Tekang Kbuten 43:5 - Udél Dwata: Gna Kesfasad ne Lomi Kesfasad

⁵ Okóm ke là hmungem du kum, là kô me mógów abay se deng monen mò kum yóm tau tu, hol bê me abay hton béléen ke là mungen kum yóm twoli me.”

Tekang Kbuten 43:5 Iomraidhean Croise

Tekang Kbuten 42:15

Hnénég te kun ke tahu yóm mon ye yó. Ke tahu, hol nit ye edini yóm mon ye són twoli bélê ye. Smafae mlan bè boluy yóm Faro bélê me, là kô huléku kuy ke là nit ye du edini yóm twoli ye.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 43:3

Yó mon Juda mò ke maen, “Deng tehe hol monen mò kum yóm tau tehe gónó me bemli ken, hol bê me abay hton béléen ke là na me hol nwit du yóm twoli me.

Tekang Kbuten 43:4

Ke hmungem kum yóm twoli me, bud me lemwót na me e bemli ken béléem.

Tekang Kbuten 43:6

Mon Jakub se, “Moen du ke alì hnayam ye ou, mom tulón ye yóm tau tu wen twoli ye?”

Tekang Kbuten 44:23

Ne yó bud monem mò kum, ‘Ke là nwit ye du tum twoli ye, hol bê ye abay bud hton béléu.’

Tekang Kbuten 44:25

Sotu kdaw bè yó, bud mon mà mò kum, ‘Bud ye semfulék etu na ye e bud bemli kut ken.’

Tekang Kbuten 44:26

Yó balà me du, mon me, ‘Là kô me mógów etu ne là se kô me hton bè yóm tau tu ke là mungen kum yóm twoli me. Són olo gónó me gógów ke mung kum yóm twoli me.’

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.