Tekang Kbuten 43:26 - Udél Dwata: Gna Kesfasad ne Lomi Kesfasad

²⁶ Timbow kól Jusif, omin le ma yó kem mò basa le du ne nit le ebéléen lem gónóen, gotu le hegdufok ebè tonok bè soluhen.

Tekang Kbuten 43:26 Iomraidhean Croise

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 33:3

Bede tukô gna kul Jakub. Bè yóm igò Jakub hloni ebè twoguhen, botong hitu duléken hegdufok ebè tonok.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Tekang Kbuten 43:28

Bnalà le se, mon le, “Gò se, tolo mowil he ne hyu klówóhen.” Omin le yó bud hegdufok ebè tonok bè soluhen, mò lan le madat du.

Kem Lingón 72:9

Angat le gotu mtud bukol bè soluhen yó kem tau nô bè yóm benwu laen hol wen tauhen. Angat le gotu lemfen bè soluhen yó kem tau hmohon du.

Kehewà 18:7

yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô.

Sulat Pol Ebè Yó Kem Tau Hemtahu Bè Rom 14:11

Deng wen tehe udél Jisas deng snulat le, monen, “Ou se yóm Dwata là kóen na a matay ne ni se hol udélu. Angat le gotu mtud bukol bè soluhu yóm kdéen tau, ne kdê le se angat mon du, ‘Uu se yóm tahu Dwata.’”