Tekang Kbuten 43:23 - Udél Dwata: Gna Kesfasad ne Lomi Kesfasad

²³ Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.

Tekang Kbuten 43:23 Iomraidhean Croise

Tekang Kbuten 42:24

Tódô tnagak Jusif lu nan e mkik tek sotuhen. Deng kkiken, ominen bud mulék ebélê le ne néléken Simyun mò tebel ne hféten lem blóng le.

Tekang Kbuten 42:28

“Deng hulék le yóm dou filak tehe bli, ni dé nô bè bak sakuu.” Ya tey ktafa nawa le lel yóm tey klikò le, gotu le ssólók, mon le, “Tedu nim deng hegfà Dwata tekuy ni?”

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 43:22

Ne bud wen se nwit me filak mò bud bli me ken. Yóm filak tehe bli me yó, là kô tngón me du ke tau du bud hemsù du lem sakù me.”

Kun Snulat Luk 10:5

Ke wen gónô gónó ye husek, yó tanay mon ye mò yó kem tau nô lemen, ‘Dwata he hol henek nawa ye.’

Kun Snulat Luk 24:36

Bè yóm igò le tolo tmulón du ni kem lewu tau ni, tódô bud hetnga mdà lem blóng le se yóm gónó le mogot, yó udélen ebélê le, monen, “Dwata he hol henek nawa ye.”

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kun Snulat Jan 20:19

Timbow deng legen kifu bè yóm Akad yó, gotu le stifun yó kem gel lemolò ke Jisas. Ne gotu hen-get le bak tikeb le, abay se likò le yó kem Ju wen glal le. Okóm tódô hetnga mdà lem blóng le Jisas, monen mò kul, “Dwata he hol henek nawa ye.”

Kun Snulat Jan 20:21

Ne bud mon Jisas mò kul, “Dwata he hol henek nawa ye. Lómón yóm tehe khógów Mà do, hol lómón yó se bud khógówu kuy.”

Kun Snulat Jan 20:26

Tikóng deng gefet sotu fedyanen bè yó, gotu le bud stifun yó kem gel lemolò du, nô bélê le Tumas. Deng bud hen-get le bak tikeb le. Tódô bud hetnga sut lem blóng le Jisas, monen mò kul, “Dwata he hol henek nawa ye.”

Kmukum 6:23

Okóm yó mon Dwata mò du, “Béi abay hlikò, henekem nawahem, là kói matay he.”

1 Samwél 25:6

Mon ye mò du, ‘Dwata he henek nawahem dalang se yó kem fes lówóhem ne heneken snéen yóm kdê nfunem.