Tekang Kbuten 43:22 - Udél Dwata: Gna Kesfasad ne Lomi Kesfasad

²² Ne bud wen se nwit me filak mò bud bli me ken. Yóm filak tehe bli me yó, là kô tngón me du ke tau du bud hemsù du lem sakù me.”

Tekang Kbuten 43:22 Iomraidhean Croise

Tekang Kbuten 42:27

Timbow le kól bè yóm sotu benwu gónó le kól kifu bè yóm kulék le yó, lemwót yóm sotu bélê le ntóhen yóm kun sakù anì henkenen yóm kudaen ne tódô tonen yóm filak tehe blihen nô bè bak sakuen. Ominen tmaba yó kem dumuhen setwoli, monen,

Tekang Kbuten 43:12

Ne yóm filak bud nit ye ni, bud temnù du yóm filak tehe gwit ye gu ditu. Déke salà yóm tehe kmò le du.

Tekang Kbuten 43:21

Timbow me kól bè yóm gónó me kól kifu bè yóm kulék me, gotu ntó me yó kem sakù me ne tódô ton me yóm ket kum ne sotu yó kem filak tehe bli me ken bud nô lem sakù me, balù udì ke wen mtón du. Ne ni bud nit me mulék ebéléem.

Tekang Kbuten 43:23

Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.