Tekang Kbuten 43:21 - Udél Dwata: Gna Kesfasad ne Lomi Kesfasad

²¹ Timbow me kól bè yóm gónó me kól kifu bè yóm kulék me, gotu ntó me yó kem sakù me ne tódô ton me yóm ket kum ne sotu yó kem filak tehe bli me ken bud nô lem sakù me, balù udì ke wen mtón du. Ne ni bud nit me mulék ebéléem.

Tekang Kbuten 43:21 Iomraidhean Croise

Tekang Kbuten 43:12

Ne yóm filak bud nit ye ni, bud temnù du yóm filak tehe gwit ye gu ditu. Déke salà yóm tehe kmò le du.

Tekang Kbuten 43:15

Tahu se, tódô lemwót yó kem tau setwoli yó mógów le ebè Idyip, mung kul Bindyamin. Wen basa nwit le ne deng gomong nwit le yóm filak tehe nô lem sakù le. Yóm kkól le bè Idyip, tódô le hlós ebè Jusif.

Tekang Kbuten 43:20

“Ó Sér, deng tehe sulék me mógów edini na me e bemli ken.

Tekang Kbuten 43:22

Ne bud wen se nwit me filak mò bud bli me ken. Yóm filak tehe bli me yó, là kô tngón me du ke tau du bud hemsù du lem sakù me.”

Tekang Kbuten 44:8

Tngónem se yó kem filak tehe ton me lem sakù me, gotu bud nit me mulék ebéléem gu bè benwu me bè Kanan. Tedu na me tô mnagaw tahu blówón du duhen ke blówón bukay bè gónô yóm gónóhem mogot?

Sulat Pol Ebè Yó Kem Tau Hemtahu Bè Rom 12:17

Bê ye bnalà sidek yó kem gel mò sidek bélê ye. Hentilob ye kmò ye anì laen dù gónó le gemsanil kuy kem dumu ye.

Sulat Pol Ebè Yó Kem Tau Hemtahu Bè Rom 13:8

Béen abay wen utóng ye là bnayad du. Olon yó dé utóng nbô ye, duhen yóm kbong nawa ye kem dumu ye. Abay se ke gotu kbong nawa ye kem dumu ye, deng gotu glolò ye ne yó kem hlau Dwata.

Hibru 13:18

Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.