Tekang Kbuten 43:19 - Udél Dwata: Gna Kesfasad ne Lomi Kesfasad

¹⁹ Bè yóm kkól le bè bak dól yóm gónô, yó mon le bè yóm tau snalig Jusif,

Tekang Kbuten 43:19 Iomraidhean Croise

Tekang Kbuten 15:2

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 43:16

Timbow ton Jusif deng mung kul Bindyamin, yó monen mò yóm tau gel dóken gel snaligen bè gónóen, “Nitem lu ebè gónô ni kem tau ni, mung le mken béléu kedeng kemdaw ni. Hétéi sotu ógóf mò utón me.”

Tekang Kbuten 43:18

Bè yóm igoen mit kul yó, ya tey klikò le. Yó mon nawa le, “Déke yó gónó le mit kum edini lemwót bè yóm filak tehe hulék le lem sakù me bè yóm tanay kógów me. Ne ni déke kendel kenfô le mi ne nwa le yó kem kudà me ne henbaling le mi kem tau mò hesek yóm tau tu.”

Tekang Kbuten 43:20

“Ó Sér, deng tehe sulék me mógów edini na me e bemli ken.

Tekang Kbuten 44:1

Kogolen bè yó, yó udél Jusif ebè yóm tau gel snaligen bè gónóen, monen, “Gotu hennokem halay yó kem sakù le yó kem tau yó, yó se kbong gbek nwit le blayem kul ne gotu bud sù ye lu lem sakù le yó kem filak le.

Matyu 20:8

Timbow deng seklewet bè yó, ominen mon du mò yóm tau snaligen, ‘Tnabahem ne yó kem tau mò nmò, ne snukéyem lu. Gna snukéyem yó kem tau huli sut, ngangen efet kól bè yó kem tau tanay sut.’

Kun Snulat Luk 16:1

Ne bud wen tulón Jisas yó kem tau gel lemolò du, monen, “Wen sotu tau alì wen kendengenen, ne mtukul se tau fen hogoten yó kem kimuhen. Sotu kdaw bè yó, wen tulón le du nim tau wen kendengenen ni, mon le, ‘Yóm tau fen hogotem kimuhem, wen gel namaen du.’