Tekang Kbuten 43:18 - Udél Dwata: Gna Kesfasad ne Lomi Kesfasad

¹⁸ Bè yóm igoen mit kul yó, ya tey klikò le. Yó mon nawa le, “Déke yó gónó le mit kum edini lemwót bè yóm filak tehe hulék le lem sakù me bè yóm tanay kógów me. Ne ni déke kendel kenfô le mi ne nwa le yó kem kudà me ne henbaling le mi kem tau mò hesek yóm tau tu.”

Tekang Kbuten 43:18 Iomraidhean Croise

Tekang Kbuten 42:21

Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Tekang Kbuten 42:27

Timbow le kól bè yóm sotu benwu gónó le kól kifu bè yóm kulék le yó, lemwót yóm sotu bélê le ntóhen yóm kun sakù anì henkenen yóm kudaen ne tódô tonen yóm filak tehe blihen nô bè bak sakuen. Ominen tmaba yó kem dumuhen setwoli, monen,

Tekang Kbuten 42:28

“Deng hulék le yóm dou filak tehe bli, ni dé nô bè bak sakuu.” Ya tey ktafa nawa le lel yóm tey klikò le, gotu le ssólók, mon le, “Tedu nim deng hegfà Dwata tekuy ni?”

Tekang Kbuten 42:35

Timbow gotu kok le yó kem nô lem sakù le tey ketnga le yóm kdê le, gotu bud ton le yó kem filak tehe bli le. Bè yóm bud kton le du yó kem filak le yó, gotu le likò dalang se mà le.

Tekang Kbuten 43:17

Tahu se, tódô nmò yóm tau yó yóm hmò Jusif du, nwiten ebè gónô Jusif yó kem tau setwoli yó.

Tekang Kbuten 43:19

Bè yóm kkól le bè bak dól yóm gónô, yó mon le bè yóm tau snalig Jusif,

Tekang Kbuten 44:8

Tngónem se yó kem filak tehe ton me lem sakù me, gotu bud nit me mulék ebéléem gu bè benwu me bè Kanan. Tedu na me tô mnagaw tahu blówón du duhen ke blówón bukay bè gónô yóm gónóhem mogot?

Kem Lingón 53:5

Okóm angat wen alì knikò le, yóm klikò là deng hnikót gnóm le du teganay. Angat gotu bulét Dwata tiol yó kem kul hohon yó kem kun tau. Yakà deng kenbê Dwata kul, yó gónó le gemmò bélê le kem tau Israél.

Kem Lingón 73:16

Tey kegenu tô hemnagì du yóm gel tonu bè yó kem tau mò sidek, okóm tey mgel béléu.

Isaya 7:2

Bè yóm tehe kgefeten bè Ahas yóm tau hol geta mogot yóm benwu Juda, yóm deng kkól le bè benwu Israél yó kem tey sendalù wen lemwót bè Sirya yó, ya tey sidek klikoen dalang se yó kem tauhen, tódô setbol kkel le.

Danyél 6:4

Bè nim ni, deng mom nélés nawa le Danyél yó kem dumuhen hmalak ne yó kem gubérnor. Yó nmò le, mebel le lan mò lewót gónó le dmuón du. Okóm laen kô dù ton le sidek nmoen, abay se tey teneb ne tey gulit, balù udì ke wen tô gónón salà yó kem gel nmoen.

Mark 6:16

Timbow gungol Hirod, monen, “Du kun yóm Jan gel mabtays. Deng tehe heklengu liholen, okóm deng bud mowil.”

Sulat Pol Ebè Yó Kem Tau Hemtahu Bè Rom 7:8

Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Kmukum 13:22

Yó mon Manu mò ke yehenen, “Bang katay te ni abay se deng ton te Dwata.”

Kmukum 14:4

Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.