Tekang Kbuten 43:15 - Udél Dwata: Gna Kesfasad ne Lomi Kesfasad

¹⁵ Tahu se, tódô lemwót yó kem tau setwoli yó mógów le ebè Idyip, mung kul Bindyamin. Wen basa nwit le ne deng gomong nwit le yóm filak tehe nô lem sakù le. Yóm kkól le bè Idyip, tódô le hlós ebè Jusif.

Tekang Kbuten 43:15 Iomraidhean Croise

Tekang Kbuten 42:35

Timbow gotu kok le yó kem nô lem sakù le tey ketnga le yóm kdê le, gotu bud ton le yó kem filak tehe bli le. Bè yóm bud kton le du yó kem filak le yó, gotu le likò dalang se mà le.

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Tekang Kbuten 43:21

Timbow me kól bè yóm gónó me kól kifu bè yóm kulék me, gotu ntó me yó kem sakù me ne tódô ton me yóm ket kum ne sotu yó kem filak tehe bli me ken bud nô lem sakù me, balù udì ke wen mtón du. Ne ni bud nit me mulék ebéléem.

Tekang Kbuten 43:25

Lemwót yó kem tau setwoli yó, eles hentifes le yóm mò basa le ke Jusif bè yóm kkólen bè yó kemdaw, abay se deng eles tulónen kul yóm tau snalig Jusif yóm kmung le mken bè Jusif.

Kem Udél Hlalak Tehe Selumun 19:6

Yóm tau masa tey dê tau móyô mit du swè ne yóm tau gel bemlay tey dê tau swè du.