Tekang Kbuten 43:14 - Udél Dwata: Gna Kesfasad ne Lomi Kesfasad

¹⁴ Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 43:14 Iomraidhean Croise

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 22:14

Yó hlós boluy Abraham du yóm bulul yó, “Dwata fen bemlay.” Efet nim kmoen ni, gel mon yó kem tau, “Bè yóm kun bulul Dwata, du fen bemlay.”

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Tekang Kbuten 42:24

Tódô tnagak Jusif lu nan e mkik tek sotuhen. Deng kkiken, ominen bud mulék ebélê le ne néléken Simyun mò tebel ne hféten lem blóng le.

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 43:13

Yó ne, nwit ye yóm twoli ye, ne géhél ye bud mulék ebè tum tau tu.

Tekang Kbuten 44:12

Omin yóm dók Jusif hemganag mebel lem sakù le, nbuten bè kun sakù yóm twogu efet kól bè kun sakù yóm hol twoli ne tonen bè kun sakù Bindyamin yóm tegayan hnebelen.

Isra 7:27

Yó mon Isra, “Hol dóyón tekuy Dwata yóm sana Dwata hol gónó le mogot yó kem tehe fù tekuy. Tódô lemwót béléen nim nmò nim tau hol geta ni, yóm tey kadaten yóm Gónô Dwata bè Jirusalim.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Kem Lingón 100:5

Tey hyu yóm Dwata. Laen kô dù tul sónen yóm kbong nawahen tekuy. Ne là kóen monol yóm nawahen ebélê tekuy efet kól bè laen dù sónen.

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Kem Lingón 119:41

Ó Dwata, hegfanem béléu yóm tey kbong nawam do là monolen, duhen yóm kegewà deng tehe fasadem do.

Kem Lingón 85:7

Hegfanem kum, Dwata, yóm kbong nawam là monolen, ne hol lenwaem mi.

Kem Udél Hlalak Tehe Selumun 1:1

Ni se yó kem udél hlalak tehe Selumun, yóm sotu tau hol geta bè Israél, ngà yóm tehe Dabid.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Isaya 49:13

Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

Kun Snulat Jan 19:22

Mon Paylét se, “Yóm deng snulatu, deng duhen yó.”

Kul Nmò 21:14

Timbow là gbólów me du, tódô bayà me, olo me mon du mò du, “Dwata he mò du béléem yóm kun kóyô.”

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

1 Timuti 1:16

okóm tey kkodu Dwata dou mò gónón hegfan du ebè yó kem dumu tau yóm hol kun kanay nawa Krays Jisas, igoen ou yóm tau alì gedlug kmoen salà. Yó gónó Krays Jisas mò du nim ni anì mgel nawa yó kem tau hemtahu béléen bè hulin kdaw, yó kem tau angat gmuta du yóm klowil laen dù sónen.

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

2 Jan 1:3

Yó hem Dwata, yóm Mà tekuy ne Jisas Krays yóm Ngaen, hol tendo gel tmóbóng ne kmodu ne tendo henek nawa tekuy. Ni se uléken yóm gel klolò tekuy du yóm ktahuhen ne yóm gel kesbong tekuy nawa.