Tekang Kbuten 43:1 - Udél Dwata: Gna Kesfasad ne Lomi Kesfasad

¹ Deng tey sidek ne yóm kbel bitil bong bè Kanan.

Tekang Kbuten 43:1 Iomraidhean Croise

Tekang Kbuten 12:10

Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 18:13

Ne mon Dwata mò ke Abraham, “Moen du ke mom knuli Sara, mom monen, ‘Tedu tô kmò kngau du, blaem teye deng tuha.’

Tekang Kbuten 26:1

Bè yóm kun kdaw Isak, bud mbel bitil bong bè yó bè Kanan, tólóng se yóm tehe kbel bitil bè Kanan ekni bè yóm tehe kun kdaw yóm maen Abraham. Lemwót Isak mógów ebè Abimélék bè Girar yóm sotu benwu glem lem Kanan. Nim Abimélék ni, tau hol geta mogot yóm benwu yó kem tau Flistin.

Tekang Kbuten 42:5

Yó kem ngà Jakub yó, mung le bè yó kem dumu tau na le e bemli ken bè Idyip, abay se deng glumfak bè kul benwu bè Kanan yóm bitil bong.

Tekang Kbuten 43:2

Timbow deng gotu yóm halay tehe nwit le gu bè Idyip yó kem ngà Jakub, yó udél Jakub ebélê le, monen, “Bud ye semfulék kut ebè Idyip na ye e bemli kut mò ken tekuy.”

Tekang Kbuten 47:4

Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.