Tekang Kbuten 42:9 - Udél Dwata: Gna Kesfasad ne Lomi Kesfasad

⁹ Gtulón bè nawa Jusif yóm tehe keknahen kul, ominen mon du mò kul, “Kem tau ye hemkana nim yu. Tô henkana ye ke wen gónón là mbegel yóm kum benwu.”

Tekang Kbuten 42:9 Iomraidhean Croise

Tekang Kbuten 37:11

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Tekang Kbuten 42:16

Okóm sotu bélê ye bud mulék anì nan e nangay. Lemwót yó kem dumu ye, fen suu lu lem gónô blanggù efet tonu ktahuhen yóm deng mon ye. Ke là tahuhen, tahu yóm monu hemkana ye.”

Tekang Kbuten 42:34

Okóm hol nit ye ebéléu yóm són imot bélê ye. Ke yó se nmò ye, bè yó gónóhu temngón du là tau ye hemkana, ne là mò ye kéng béléu. Bud hewau ebélê ye yóm dumu ye setwoli blanggù ne gbek ye ne mò udél swa dini bélê me.’ ”

Kehewà 32:35

Tahu se, wen des hwit Dwata ebè yó kem tau yó lemwót bè kubug le ke Aron mò yóm ngà safì tudu nmò le gu bè tahu blówón.

Lista 13:2

“Méléki sfolò lewu tau, ket sotu bélê le lemwót bè ket ktol yóm sfolò lewu kem but tau Israél, bede hono lemwót bè yó kem tau gel malak bélê le. Hógówem lu etu bè benwu Kanan mò hemkana ditu bè yóm benwu blayu yó kem tau Israél anì na le e hnénég mò kmoen yóm benwu yó.”

Kun Snulat Luk 20:20

Kewóten bè yó ne, sónmò le mebel dalil mò gónó le gemkfô ke Jisas bè kudélen yó kem tau gel tmolok hlau ne yó kem tau hol geta gel demsù ebè Dwata. Wen tau gel bnayad le mò fen hmolung du, hlingón le tau dmalang béléen. Gel wen snólók le béléen mò dalil le kmamo du bè yóm Gubérnor lemwót bè Rom anì du fen kmukum du.

Hibru 11:31

Bè yóm benwu deng gbà yó, wen sotu libun nô du boluyen Rahab, tehe libun sundal. Lemwót bè yóm kehtahuhen bè Dwata, là homong hnatay le du bè yó kem dumu tau là mimón ke Dwata bè yó. Yó gónó le là hmatay du, abay se tehe tnóbóngen yó kem tau tehe na a hemkana bè benwuhen.

Juswa 2:1

Omin Juswa lifut mdók lewu tau lemwót bè yó bè kamfù le bè Akasya mò na a hemkana yóm benwu Kanan, hol néen yóm syudad Jiriku. Timbow le kól bè yóm syudad yó, yóm lewu kem tau hemkana yó koni, tódô le hlós ebè gónô yóm sotu libun hdóyón boluyen Rahab ne bè yó gónó le tungô.

Juswa 6:23

Tahu se, lemwót le, nwit le hewà Rahab, mung du maen ne yéen ne kem logihen ne yó kem dumu fes lówóhen. Gotu nwit le lu kdê le, sù le lu ditu klohok kamfù yó kem tau Israél anì laen dù hemen le.

1 Samwél 26:4

yó gónón mdók tau mò hmilung du ke tahu deng kól bè yó Sol. Ne tahu se, nô bè yó.