Tekang Kbuten 42:6 - Udél Dwata: Gna Kesfasad ne Lomi Kesfasad

⁶ Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 42:6 Iomraidhean Croise

Tekang Kbuten 18:2

Ne yó nmoen, temngel ebè lewà, tódô wen tonen tlu kem tau mdà bè yó. Bè yóm ktonen kul, tódô kendel mdà ne hetlasik mógów ebélê le ne tódô hegdufok ebè tonok bè solu le.

Tekang Kbuten 19:1

Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Tekang Kbuten 33:3

Bede tukô gna kul Jakub. Bè yóm igò Jakub hloni ebè twoguhen, botong hitu duléken hegdufok ebè tonok.

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Tekang Kbuten 41:54

Ominen yó mbut yóm hitu halay kbel bitil bong, tódô uliten du yóm tehe eles kmon Jusif du. Yóm kbel bitil bong yó, botong gomong kdéen tólóng benwu hmilol kul. Okóm bè klamangen Idyip, hanà tolo wen ken le.

Tekang Kbuten 41:57

Ngangen ne kdéen tau bè klamangen benwu gotu le mógów ebè Idyip na le e bemli ken bè Jusif, abay se deng glumfak bè klamangen benwu yóm tey bitil bong.

Tekang Kbuten 44:14

Timbow le gefet bè gónô Jusif le Juda ne yó kem dumun setwoli, tolo nô bè yó Jusif. Gotu le hegluduk bè soluhen.

Tekang Kbuten 45:26

Bè yóm kkól le béléen, mon le mò du, “Ó Mà, tolo mowil he Jusif. Deng du gubérnor bè klamangen Idyip nim kmoen ni.” Tódô neb Jakub, balù udì ke hentahuhen lu.

Tekang Kbuten 45:8

Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Kem Udél Hlalak Tehe Selumun 11:26

Tey ktuled kem tau du yóm tau gel hembalù ke tlek temginof halay, okóm meguyag se kun yóm tau tódô kendel hembalù halay.

Isaya 60:14

Yó kem ngà logi yó kem tau tehe hemgnok kóm, angat le mógów ebéléem na le e heglaan béléem, yó se mò lan le hol hegfan du yóm kadat le kóm. Kdê yó kem tau tehe kemhisik kóm, angat tey keheglaan le béléem. Yó angat boluy le kóm, ‘Syudad Dwata.’ Sotu bud kboluy le kóm, ‘Sayun, syudad yóm kul Dwata yó kem tau Israél yóm Dwata laen dù belenen.’

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

1 Samwél 20:41

Timbow deng lemwót yóm ngà, omin Dabid hewà gu bè yóm gónón hebnos moni bè yóm botu luduk. Botong tlu dulék Dabid mtud kuluhen bè tonok bè solu Junatan bè yóm tey kadaten du. Bè yóm keskef le senged kul mkik ne ya tey dlumu Dabid. Omin le yó skó.