Tekang Kbuten 42:38 - Udél Dwata: Gna Kesfasad ne Lomi Kesfasad

³⁸ Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 42:38 Iomraidhean Croise

Tekang Kbuten 37:33

Ne tódô dilô tuha logi se kun, monen, “Tahu se, kun nes nim ni. Deng wen ógóf lem bnes msék du. Deng tahu wen ógóf msék du yóm ngau Jusif.”

Tekang Kbuten 37:34

Tódô kensê Jakub yóm nes bè lówóhen bè klangagen ne tles leseken nes sakù. Ne tey kegenen tendo lemangag du yóm ngaen yó.

Tekang Kbuten 37:35

Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Tekang Kbuten 42:13

Yó bud mon le mò ke Jusif, mon le, “Là, Sér. Tehe me sfolò lewu yóm kdê me setwoli. Tek sotu mà me nô bè Kanan. Deng lana yóm sotu twoli me ne yóm són imot bélê me tebel bè mà.”

Tekang Kbuten 42:37

Bnalà Rubén, monen, “Ó Mà, ke là bud nitu du mulék ebéléem Bindyamin, tódô hnatayem yó kem lewu ngau logi. Tódô bayaem dou ne Bindyamin ne là kô gbeku du ke là bud nitu du mulék ebéléem.”

Tekang Kbuten 42:4

Okóm là móyô Jakub ke mung kul Bindyamin, yóm hol kun dumu sulil lem Jusif, likò déke wen gfaen.

Tekang Kbuten 43:13

Yó ne, nwit ye yóm twoli ye, ne géhél ye bud mulék ebè tum tau tu.

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 44:22

Ne yó balà me kóm, mon me, ‘Là kô gtagaken ke mà. Ke gtagaken, tódô matay dilóu mà.’

1 Bok Kem Tau Hol Geta 2:6

Tódô nmoem béléen yóm geblà bè yóm kóm ketngón du, okóm là hyuhen ke matay botù.

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”