Tekang Kbuten 42:36 - Udél Dwata: Gna Kesfasad ne Lomi Kesfasad

³⁶ Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 42:36 Iomraidhean Croise

Tekang Kbuten 42:37

Bnalà Rubén, monen, “Ó Mà, ke là bud nitu du mulék ebéléem Bindyamin, tódô hnatayem yó kem lewu ngau logi. Tódô bayaem dou ne Bindyamin ne là kô gbeku du ke là bud nitu du mulék ebéléem.”

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 44:12

Omin yóm dók Jusif hemganag mebel lem sakù le, nbuten bè kun sakù yóm twogu efet kól bè kun sakù yóm hol twoli ne tonen bè kun sakù Bindyamin yóm tegayan hnebelen.

Tekang Kbuten 45:28

monen, “Tolo mowil gi yóm ngau Jusif. Laen dù bud hnebel nawahu ne. Lemwóte ne ni anì géhél tonu gu laanu là deng matay.”

Tekang Kbuten 47:12

Tendo wen ken gel blay Jusif ke maen ne yó kem dumuhen setwoli ne yó kem dumu fes lówó le efet kól bè yóm hol són imot bélê le.

Kem Lingón 34:19

Sal gel wen gónón glayam yóm tau hyu kmoen, okóm sal gel lenwà Dwata gu lemen.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Matyu 14:31

Omin Jisas kendel kemfô du bè sigelen, monen, “Tey udì kehtahuhem nim uu. Moen du ke megewu nawam do?”

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

1 Samwél 27:1

Okóm ke Dabid, yó hendemen, “Angat wen kdawen hnatay Sol ou. Mom hyu ke mlóye etu bè benwu kem Flistin. Ke ni nmou là bud hnebel Sol dou bè ni bè benwu Israél. Laen dù hemenu ditu.”