Tekang Kbuten 42:34 - Udél Dwata: Gna Kesfasad ne Lomi Kesfasad

³⁴ Okóm hol nit ye ebéléu yóm són imot bélê ye. Ke yó se nmò ye, bè yó gónóhu temngón du là tau ye hemkana, ne là mò ye kéng béléu. Bud hewau ebélê ye yóm dumu ye setwoli blanggù ne gbek ye ne mò udél swa dini bélê me.’ ”

Tekang Kbuten 42:34 Iomraidhean Croise

Tekang Kbuten 20:15

Yó mon Abimélék mò ke Abraham, “Tenngelem yóm klamang benwu nogotu. Méléki nô kihu nóyô gónóm nô.”

Tekang Kbuten 34:10

Gbek ye menwu lem blóng me, balù kihu benwu nóyô ye. Menwu ye dini, ne gbek ye mò udél swa bélê me snéen, ne gbek ye ma tonok bélê me.”

Tekang Kbuten 34:21

“Ni kem tau ni, hulung le mit swè bélê me. Hnô tekuy lu bè ni ne lem blóng tekuy, ne gbek le mò udél swa bélê tekuy. Yakà teyen lamang nim tonok tekuy mò gónó le nô. Gbek tekuy myehen yó kem ngà le libun, ne gbek le se myehen bè yó kem ngà tekuy libun.

Tekang Kbuten 42:15

Hnénég te kun ke tahu yóm mon ye yó. Ke tahu, hol nit ye edini yóm mon ye són twoli bélê ye. Smafae mlan bè boluy yóm Faro bélê me, là kô huléku kuy ke là nit ye du edini yóm twoli ye.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

1 Bok Kem Tau Hol Geta 10:15

Lelen yó he wen kem bwis gel gutahen bè yó kem tau gel hembalù, ne bè yó kem tau gel mò udél swa. Ne bud wen gel gutahen lemwót bè yó kem tau hol geta bè benwu Arab, ne dalang se bè yó kem gubérnor bè benwu Israél.

Isikél 17:4

ominen temfok yóm hol tubeden. Ne nwiten ebè yóm sotu benwu bong hono kem tau swa nô lemen ne bè yó gónón mulu du yóm tubed tenfoken yó.