Tekang Kbuten 42:28 - Udél Dwata: Gna Kesfasad ne Lomi Kesfasad

²⁸ “Deng hulék le yóm dou filak tehe bli, ni dé nô bè bak sakuu.” Ya tey ktafa nawa le lel yóm tey klikò le, gotu le ssólók, mon le, “Tedu nim deng hegfà Dwata tekuy ni?”

Tekang Kbuten 42:28 Iomraidhean Croise

Tekang Kbuten 27:33

Bè yóm kungol Isak du, ya tey sidek kekkelen ne monen, “Ke uu se Iso, tau du se yóm deng mit utón ebéléu koni? Lomi deng kkenu du gu laanem là deng sut ne deng wen oluhu du koni. Ne hlós kun se yó laen kô dù tul sónen.”

Tekang Kbuten 42:29

Timbow le gefet bè Jakub, yóm mà le nô bè Kanan, gotu tulón le du yó kem gfà le,

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 43:23

Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.

1 Bok Kem Tau Hol Geta 10:5

Ya tey sidek ketngahen. Ne bud tenngahen yó kem tey dê ken kay le eta yó kem lemisa Selumun. Bud tngahen snéen yóm ktonen yóm ktilob kekdol yó kem genlalen ne yóm ktilob knes le, dalang se yóm kul knes yó kem tau gel mkay bélê le ninum. Bud sidek ketngahen du snéen bè yóm tey dsù gel hkekeb Selumun bè Gónô Dwata.

Kem Lingón 61:2

Htóbónge béléem, kewótu bè sokol tonok abay se tey sidek kegnómu du. Hol nwitem ou ebè yóm botu geta sentahu gónón laen dù hemenu,

Isaya 45:7

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Amus 3:6

Wen kô là likoen ke gungol le yóm féw gel huni le ke wen gida sut bè benwu le? Wen kô hlayam gefet lem syudad ke là lemwóten bè Dwata?

Kun Snulat Luk 21:26

Ne angat wen se kem tau tódô leef bè yóm alì sidek klikò le yóm angat sut bè klamangen benwu. Yó gónó le likò abay se là bud glolò le du yóm sana kul lesang yó kem mnóng bè longit.

Dwata 28:65

Ne bè yóm knô ye lem blóng le, laen kô dù gónón menek nawa ye. Sónmò ye likò, ne laen kô dù bud nebel mata ye ne laen se kô dù bud nefet nawa ye.