Tekang Kbuten 42:26 - Udél Dwata: Gna Kesfasad ne Lomi Kesfasad

²⁶ Gotu lulón yó kem twogu Jusif bè kudà asnu le yó kem halay benli le, omin le yó lemwót.

Tekang Kbuten 42:26 Iomraidhean Croise

Tekang Kbuten 42:19

Ni ilóu du ke tahu yóm mon ye. Sotu bélê ye fen tebel lem yóm gónô blanggù gónó ye nô ne fen le mit ken mulék yó kem dumu ye. Wen yó kem fes lówó ye, kô lemnus le.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 42:25

Gu laan le là deng lemwót mulék yó kem twogu Jusif, wen tau dóken. Yó hmoen du, gotu hennok nlemen halay yó kem sakù yó kem twoguhen ne bud huléken elem sakù le yó kem filak tô bli le ne wen hebnotuhen kul mò ken le bè lan. Tahu se, tódô nmò yóm tau dók Jusif yóm hmoen du yó.

Tekang Kbuten 42:27

Timbow le kól bè yóm sotu benwu gónó le kól kifu bè yóm kulék le yó, lemwót yóm sotu bélê le ntóhen yóm kun sakù anì henkenen yóm kudaen ne tódô tonen yóm filak tehe blihen nô bè bak sakuen. Ominen tmaba yó kem dumuhen setwoli, monen,

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?