Tekang Kbuten 42:25 - Udél Dwata: Gna Kesfasad ne Lomi Kesfasad

²⁵ Gu laan le là deng lemwót mulék yó kem twogu Jusif, wen tau dóken. Yó hmoen du, gotu hennok nlemen halay yó kem sakù yó kem twoguhen ne bud huléken elem sakù le yó kem filak tô bli le ne wen hebnotuhen kul mò ken le bè lan. Tahu se, tódô nmò yóm tau dók Jusif yóm hmoen du yó.

Tekang Kbuten 42:25 Iomraidhean Croise

Tekang Kbuten 42:26

Gotu lulón yó kem twogu Jusif bè kudà asnu le yó kem halay benli le, omin le yó lemwót.

Tekang Kbuten 43:12

Ne yóm filak bud nit ye ni, bud temnù du yóm filak tehe gwit ye gu ditu. Déke salà yóm tehe kmò le du.

Tekang Kbuten 45:21

Tahu se, nimón yó kem ngà Jakub yóm monen yó. Henwit Jusif lu klitun ne bnotu mò ken le bè yóm kógów le, lómón yóm deng mon Faro mò du.

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.