Tekang Kbuten 42:24 - Udél Dwata: Gna Kesfasad ne Lomi Kesfasad

²⁴ Tódô tnagak Jusif lu nan e mkik tek sotuhen. Deng kkiken, ominen bud mulék ebélê le ne néléken Simyun mò tebel ne hféten lem blóng le.

Tekang Kbuten 42:24 Iomraidhean Croise

Tekang Kbuten 34:25

Okóm bè yóm getluhen kdaw yóm igoen tolo hdék yóm halì le, lemwót yó kem lewu ngà Jakub logi Simyun ne Libay, nit le sudeng le, ne tódô le husek lem yóm syudad, ne laen kô dù tau hemdem du ke wen sidek nmò le. Gotu hnatay le yóm kdê logi bè yó,

Tekang Kbuten 42:23

Tódô tngón Jusif yóm sentulón le okóm kul, là kô tngón le du ke tngón Jusif yóm kul kestulón abay se bè yóm kudél le ebéléen, wen fen tmugod du.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 43:23

Yó monen mò kul yóm tau snalig Jusif, “Béen tafa nawa ye. Bê ye abay hlikò. Kaem kuy Dwata yóm Dwata mà ye bud dô hemsù du lem sakù ye yóm filak yó. Igoen deng kól béléu yóm filak tehe bli ye.” Kogolen bè yó, ominen mit ke Simyun ebélê le.

Tekang Kbuten 43:30

Bè yóm kmonen du yóm yó, tódô kendel lemwót abay se là gehbalahen du yóm kkiken, bà mon tey sidek klayuk nawan yóm twolihen. Yó gónón tódô husek elem dfélen ne ditu gónón mkik.

Tekang Kbuten 45:1

Là bud gbek Jusif du ne hembala nawan lem blóng yó kem gel tóbóng lówóhen, yó gónón gotu hewót kul bè yó gu lem dfélen. Balù sotu ke wen dumu tau nô bè yó bè yóm kehdilô Jusif bè yó kem dumun setwoli.

Tekang Kbuten 45:2

Tódô hebtù Jusif dlumuhen, botong gungol yó kem tau Idyip ngangen efet tulón le ditu bè gónô bong yóm Faro.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.