Tekang Kbuten 42:22 - Udél Dwata: Gna Kesfasad ne Lomi Kesfasad

²² Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

Tekang Kbuten 42:22 Iomraidhean Croise

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

Tekang Kbuten 42:23

Tódô tngón Jusif yóm sentulón le okóm kul, là kô tngón le du ke tngón Jusif yóm kul kestulón abay se bè yóm kudél le ebéléen, wen fen tmugod du.

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

Tekang Kbuten 50:15

Kogol yóm deng katay Jakub stulón le sónen lu yó kem twogu Jusif, mon le, “Kyò kut kô na a tolo knutó nawahen tekuy Jusif, bud bnelesen yóm sidek tehe nmò tekuy béléen.”

1 Bok Kem Tau Hol Geta 2:32

Hbayad Dwata du yóm khatayen yóm lewu kem tau hyu sentahen. Abay se yóm tehe khatayen kul le Abnér ngà Nér yóm kmandér bè yóm sendalù Israél, ne Amasa ngà Jétér, yóm kmandér bè yó kem sendalù Juda, laen dù ke mà du.

1 Bok Kem Tau Hol Geta 2:33

Hol laen dù tul sónen kbô Juab du ne dalang se yó kem tau semfu gu béléen yóm katay ni kem tau ni. Ne laen dù sónen snéen yóm khenek Dwata nawa Dabid ne yó kem tau semfu gu béléen dalang se yóm tau myón bè yóm kun gónó myón kmamal.”

2 Tutul Israél 24:22

Là kô hendem Juas du yóm tey kehyu nawa Jihuyada ebéléen yóm mà Sikaraya, mom hnatayen yóm ngaen. Bè yóm katay Sikaraya, yó monen, “Ton Dwata he yóm nmò ye ni, ne du meles kuy.”

Kem Lingón 9:12

Yakà gel bnelesen du litô yó kem tau laen dù gmò le. Là kô nan e tódô bayà kul mkik yó kem tau wen gónó le glayam.

Isikél 3:18

Ke yó eles hetgamahu yóm sotu tau gel mò sidek, monu, ‘Lemwót bè yóm sidek gel nmoem, hukolu klowilem.’ Okóm ke là dog tulónem du yóm eles hetgamahu du yó, angat matay yóm tau yó igoen tolo wen salà nô tahen. Ne uu gónóhu angat mtuk du yóm katayen yó.

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

Kul Nmò 28:4

Timbow ton yó kem tau menwu bè yó yóm kékéten ke Pol yóm ulal yó, stulón le, mon le, “Déke tehe wen dô bnonoken tau ni. Kun bagì là matayen lem mohin, okóm ni là hewuhem du.”

Sulat Pol Ebè Yó Kem Tau Hemtahu Bè Rom 2:15

Tódô dilô bélê le deng eles nô lem hendem le yóm deng monen bè hlau Musis. Lemwót bè yóm kehedem le du, tódô gnóm le ke hyu yóm nmò le duhen ke sidek.

Deng Hegfan 13:10

Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”

Deng Hegfan 16:9

Tahu se. Gotu le mluf yó kem tau. Deng mom sónmò le hemtolo ke Dwata, abay se du yóm wen kfasangen mò du ni kem hlayam ni. Okóm là dog knogol le du yóm sidek nmò le, ne là se dog dóyón le ke Dwata.

1 Samwél 19:4

Hlafus hayahen bè yó, tey dê hyu tulón Junatan ke maen gbak bè Dabid, monen mò du, “Yake béen wen sidek nmoem bè yóm tóbóng lówóhem Dabid abay se laen dù sidek nmoen béléem se kun. Deng tey dê gónón tmóbóng kóm hono bè kóm kehyu.