Tekang Kbuten 42:21 - Udél Dwata: Gna Kesfasad ne Lomi Kesfasad

²¹ Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Tekang Kbuten 42:21 Iomraidhean Croise

Tekang Kbuten 41:9

Ominen mudél ebè Faro yóm tau gel mkay ninum béléen, monen, “Ni he kegtulónen bè nawaw yóm tehe salau.

Tekang Kbuten 44:16

Omin Juda mudél, monen, “Laen kô dù bang kmon me du, Sér. Laen kô dù sabà me kóm. Tedu se tô kmò kehton me du kóm yóm ktahuhen? Deng hegfan Dwata yóm tehe salà me. Là sónen du yóm tau gónóm mton yóm tegayan baling hesek béléem, tódô kdê me ne.”

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

Tekang Kbuten 50:15

Kogol yóm deng katay Jakub stulón le sónen lu yó kem twogu Jusif, mon le, “Kyò kut kô na a tolo knutó nawahen tekuy Jusif, bud bnelesen yóm sidek tehe nmò tekuy béléen.”

2 Samwél 12:13

Yó udél Dabid ebè Natan, monen, “Denge gemsalà bè Dwata.” Ne yó mon Natan mò du, “Tahu se, bede deng hnifót Dwata uu, là kói matay.

1 Bok Kem Tau Hol Geta 17:18

Ominen mon du mò ke Ilaydya yóm libun bolu, “Ó tau Dwata, tedu nmoem béléu ni? Yó kô nógówem edini anì tnafakem o bè yó kem salau, hlanem bè katay yóm ngau?”

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Mark 9:48

Bè yóm ofi yó, ‘wen kuled mken unged tau nô du, ne là kô le matay. Ne wen yóm ofi tendo mlób tau laen dù tul katayen.’

Kun Snulat Luk 16:28

yakà wen yó kem limu twolihu anì eles hetngónen kul, anì là glolò le dou ebè nim tey gónóu meflayam ni.’

Kul Nmò 19:18

Bè yó kem tau hemtahu, tey dê bélê le tódô gotu benkas tulón le bè gónón wen yóm kul gel nmò.

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.