Tekang Kbuten 42:19 - Udél Dwata: Gna Kesfasad ne Lomi Kesfasad

¹⁹ Ni ilóu du ke tahu yóm mon ye. Sotu bélê ye fen tebel lem yóm gónô blanggù gónó ye nô ne fen le mit ken mulék yó kem dumu ye. Wen yó kem fes lówó ye, kô lemnus le.

Tekang Kbuten 42:19 Iomraidhean Croise

Tekang Kbuten 40:3

Tódô heblangguen lu bè yóm sotu gónô blanggù bè gónô yóm kfitan gel mentey du, bè yóm gónón blanggù Jusif.

Tekang Kbuten 41:56

Ngangen ne temnù ksideken yóm bitil bong efet gefet bè klamangen Idyip. Yó nmò Jusif, lenungkaen ne kdéen bediga bè klamangen Idyip ne heblihen ken yó kem tau Idyip.

Tekang Kbuten 42:11

Hono me setwoli nim kdê me, Sér. Là kô me tau hemkana ne là kô me tau mò kéng se kum.”

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 42:26

Gotu lulón yó kem twogu Jusif bè kudà asnu le yó kem halay benli le, omin le yó lemwót.

Tekang Kbuten 42:33

Yó bud balaen kum yóm tau tu, monen, ‘Yó ilóu du ke tau ye là mò kéng, sotu bélê ye fen tebel bè ni, fen le mit ken mulék yó du kem dumu ye, wen yó kem fes lówó ye kô lemnus le.

Tekang Kbuten 45:23

Bud henwiten maen sfolò kudà asnu mò lemulón yó kem alì hyu lemwót gu bè Idyip ne bud sfolò kudà asnu mò lemulón halay ne mambang ne yó kem dumu ken mò ken le bè yóm kógów le.

Isaya 42:22

Okóm ni, deng wen tau megef kul yó kem kun tau, gotu nwa le kimu le. Wen se bélê le deng knukub le lem sol nelem, wen se bélê le bnos le gónó le kmukub kul. Gotu negef le kimu le ne laen kô dù tau tmóbóng kul.

Isaya 42:7

Angat htonem yó kem butô ne angat hewaem yó kem tau geblanggù lem yóm gónón kmifu.

Jirimaya 37:15

Ya tey kebut le ke Jirimaya yó kem genlal efet hfes le ne bnanggù le lem gónô Junatan yóm tau fen gel smulat bélê le bè kukum. Yóm gónóen yó deng nmò le mò gónô blanggù.