Tekang Kbuten 42:13 - Udél Dwata: Gna Kesfasad ne Lomi Kesfasad

¹³ Yó bud mon le mò ke Jusif, mon le, “Là, Sér. Tehe me sfolò lewu yóm kdê me setwoli. Tek sotu mà me nô bè Kanan. Deng lana yóm sotu twoli me ne yóm són imot bélê me tebel bè mà.”

Tekang Kbuten 42:13 Iomraidhean Croise

Tekang Kbuten 37:30

Ominen semfulék ebè yó kem twolihen ne monen mò kul, “Là bud tonu du yóm ngà. Tedu se tô nmou ni du?”

Tekang Kbuten 42:11

Hono me setwoli nim kdê me, Sér. Là kô me tau hemkana ne là kô me tau mò kéng se kum.”

Tekang Kbuten 42:12

Bud mon Jusif mò kul, “Là. Kaem yó nógów ye edini ni na ye e hnénég yóm gónón là mbegel benwu me.”

Tekang Kbuten 42:14

Bud mon Jusif se, monen, “Tahu se yóm monu, tau ye hemkana.

Tekang Kbuten 42:32

Tehe me sfolò lewu yóm kdê me setwoli ne tek sotu mà me. Deng lana yóm sotu bélê me ne yóm hol són imot bélê me, tebel bè mà ditu bè Kanan.’

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 43:29

Timbow ton Jusif Bindyamin yóm twolihen, yó monen mò kul, “Ni kô yóm mon ye són imot bélê ye?” Ne ominen mon du mò ke Bindyamin, “Dwata he hol tmóbóng kóm.”

Tekang Kbuten 43:7

Yó balà le du yó kem ngaen, mon le, “Sónmoen hemsokol smólók kum se yóm tau tu, snólóken yó kem fes lówó me, monen, ‘Tolo mowil he kô mà ye? Wen he kô dumu twoli ye logi?’ Là gbek me du ke là bnalà me du yóm sólóken kum. Mò ketngón me du se ke hfangayen yóm twoli me?”

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 44:28

Yóm sotuhen, deng tnagaken ou. Déke deng senssék tu kem ógóf lóbô lem bnes abay se efet ni là kô bud tonu du.

Tekang Kbuten 45:26

Bè yóm kkól le béléen, mon le mò du, “Ó Mà, tolo mowil he Jusif. Deng du gubérnor bè klamangen Idyip nim kmoen ni.” Tódô neb Jakub, balù udì ke hentahuhen lu.

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Matyu 2:18

“Wen tey dmumu mkik bè yóm benwu boluyen Rama. Anì monem dnumu nkik Rakél kem ngaen ne là kô wen gembek mifa du, abay se, deng le gotu matay yó kem ngaen.”