Tekang Kbuten 41:8 - Udél Dwata: Gna Kesfasad ne Lomi Kesfasad

⁸ Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Tekang Kbuten 41:8 Iomraidhean Croise

Tekang Kbuten 40:6

Timbow hlafus bè yó, kól bélê le Jusif ne tonen yóm tey keblat nawa le.

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 41:15

Timbow kól béléen Jusif, mon Faro mò du, “Wen knahu, okóm laen dù tau gembek tmulón du dou lanen. Deng wen tmulón du dou gbekem tmulón lan kna kun.”

Tekang Kbuten 41:24

Okóm yóm kanguy halay kafa yó, gotu hlo le yóm kanguy halay alì mfól bunguhen. Deng tulónu yó kem tau demwata ni kem knahu ni okóm laen dù bélê le gembek tmulón du dou lanen.”

Tekang Kbuten 41:7

Lemwót yóm hitu kanguy halay kafa yó, gotu hlo le yóm hitu kanguy halay alì mfól bunguhen. Omin Faro bud btik ne yó he kehetngónen olo knahen yóm yó.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Kehewà 7:11

Okóm yó nmò Faro, htabahen yó kem tau hulung hmau bélê le ne yó kem tau demwata ne bud nmò le se kul yóm nmò Aron yó.

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

Kehewà 8:7

Ne lemwót yó kem tau gel demwata, gotu bud nmò le se kul yóm yó ne tódô hesut ete kembu yó kem tey fak.

Kehewà 9:11

Yó kem tau demwata, là kô le bud hegfan ebè le Musis, bà mon tódô tfeng lówó le hisa lómón yóm kul hisa yó kem dumu tau Idyip.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Danyél 1:20

Lenwóten bè yó bè ket snólóken bélê le yóm tau hol geta, bè kun kehedem du yóm kul khulung hedem ne kul khulung temnef nim fat kem logi gel hemlan béléen udél ni, botong sfolò duléken lemyu senta yóm kul ketngón yó kem tau demwata tehe gel hemlan béléen udél.

Danyél 4:18

Yó se yóm deng knahu, ou se Nibukadnisar mon du nim ni. Ne ni, Béltisasar, tulónem dou yóm hnigaden, abay se laen dù dumu tau temngón bè nim benwu nogotu gembek tmulón du dou. Okóm tngónu là mgelen béléem tmulón du do lanen, abay se deng htulus le uu yó kem dwata alì mólós.’ ”

Danyél 4:19

Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Danyél 4:6

Yó gónóhu htaba yóm kdéen tau alì temngón bè Babilun anì tulón le dou hnigad yóm knahu.

Danyél 4:7

Tikóng le gdek yó kem tau demwata ne yó kem tau mton bù ne yó kem tau gel hemgawang tulónu kul yóm knahu, okóm là gbek le tmulón du dou yóm hnigaden.

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Hlolò 19:31

Bê ye abay hmungol hlau bè yó kem tau gel tmaba bè lemogol. Ke nmò ye yóm yó, là buden mólós ktonu kuy. Ou se yóm sana kuy Dwata hol gónó mogot.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

Kul Nmò 7:22

Gotu hefnagien du yóm kul kmò ketngón yó kem tau Idyip. Baling tótól Musis lemwót bè khulungen mudél ne bè kehyu nmoen.

1 Kurin 1:19

Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

1 Samwél 6:2

Lemwót yó kem gel malak bè yó kem Flistin, gotu htaba le yó kem tau gel blóng le ebè yóm kul dwata ne yó kem tau demwata bélê le snólók le bélê le, “Tedu kmò tekuy du yóm Slungan Dwata? Tulón ye kum yóm kmò khulék me du ebè yóm sana kun benwu gónó nô?”