Tekang Kbuten 41:57 - Udél Dwata: Gna Kesfasad ne Lomi Kesfasad

⁵⁷ Ngangen ne kdéen tau bè klamangen benwu gotu le mógów ebè Idyip na le e bemli ken bè Jusif, abay se deng glumfak bè klamangen benwu yóm tey bitil bong.

Tekang Kbuten 41:57 Iomraidhean Croise

Tekang Kbuten 12:10

Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 41:54

Ominen yó mbut yóm hitu halay kbel bitil bong, tódô uliten du yóm tehe eles kmon Jusif du. Yóm kbel bitil bong yó, botong gomong kdéen tólóng benwu hmilol kul. Okóm bè klamangen Idyip, hanà tolo wen ken le.

Tekang Kbuten 41:56

Ngangen ne temnù ksideken yóm bitil bong efet gefet bè klamangen Idyip. Yó nmò Jusif, lenungkaen ne kdéen bediga bè klamangen Idyip ne heblihen ken yó kem tau Idyip.

Tekang Kbuten 42:1

Hók, na a tngón Jakub bè yóm kun benwu bè Kanan yóm kwen ken bè Idyip, yó gónón mon du bè yó kem ngaen, “Moen de ke beyen ye setngel?

Tekang Kbuten 42:5

Yó kem ngà Jakub yó, mung le bè yó kem dumu tau na le e bemli ken bè Idyip, abay se deng glumfak bè kul benwu bè Kanan yóm bitil bong.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 43:1

Deng tey sidek ne yóm kbel bitil bong bè Kanan.

Tekang Kbuten 47:14

Bè yóm gel kebli le ken yó kem tau, gotu sentifun Jusif yó kem filak gel bli le ne niten ebè gónô bong yóm Faro.

Tekang Kbuten 50:20

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Dwata 9:28

Ke genlaem lu, ngem kà mon le du yó kem tau Idyip, là gbek Dwata mit kul ebè yóm tonok deng fasaden kul yó kem kun tau. Duhen ke mon le, yó gónó Dwata mit kul ebè yóm benwu laen hol wen tauhen yó kem kun tau anì gotu hnatayen lu bè yó abay se tey kutó nawahen kul.