Tekang Kbuten 41:56 - Udél Dwata: Gna Kesfasad ne Lomi Kesfasad

⁵⁶ Ngangen ne temnù ksideken yóm bitil bong efet gefet bè klamangen Idyip. Yó nmò Jusif, lenungkaen ne kdéen bediga bè klamangen Idyip ne heblihen ken yó kem tau Idyip.

Tekang Kbuten 41:56 Iomraidhean Croise

Tekang Kbuten 12:10

Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 41:30

Okóm kogolen bè yó, hitu halayen se kegenen mbel bitil bong. Lemwót bè yóm tey ksideken yóm bitil bong yó, botong klifót le yó kem halayen tehe tey bong nuta le.

Tekang Kbuten 41:35

Gotu hestifunem kul yó kem yó yóm igoen tolo bong nuta, ne benlayem lu kwalis hdà bediga bè ket syudad glem lem nim benwu nogotem ni mò gónó le semtifun du ne mò gónó le mentey du.

Tekang Kbuten 41:55

Timbow gefet bè yó kem tau bè Idyip yóm bitil, tek són Faro ne henlóy le. Lemwót yóm Faro, bud dóken lu ebè Jusif, monen mò kul, “Yó se mon Jusif mò kuy, yó se nmò ye.”

Tekang Kbuten 41:57

Ngangen ne kdéen tau bè klamangen benwu gotu le mógów ebè Idyip na le e bemli ken bè Jusif, abay se deng glumfak bè klamangen benwu yóm tey bitil bong.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 43:1

Deng tey sidek ne yóm kbel bitil bong bè Kanan.

Sikaraya 5:3

Ominen mon du mò do yóm hógów Dwata yó, “Deng snulat lem nim klatas mból ni yóm hmulà Dwata yó kem tau bè klamang benwu Juda. Snulat bè doli yóm klatas yó, angat gotu hdó Dwata lu bè yóm benwu ni yóm kdéen tau mnagaw ne bud snulat bè dolihen, angat gotu hdóhen lu snéen bè yóm benwu ni yóm kdéen tau smafà kéng.

Kun Snulat Luk 21:35

Lómón yóm sdô, song imoen hetngón deng gbunuen yóm holot. Yakà ni du se angat gbunù yóm kdéen tau talak tonok.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.