Tekang Kbuten 41:49 - Udél Dwata: Gna Kesfasad ne Lomi Kesfasad

⁴⁹ Tey genged nuta sentifun le, botong là bud gbek Jusif msó kul. Lómón kwenen helek bè kilil mohin.

Tekang Kbuten 41:49 Iomraidhean Croise

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 41:48

Bè ket syudad, sal gel wen hdà Jusif bediga mò gónóhen semtifun yó kem bad yó kem tau mò hulu hmilol kul.

Tekang Kbuten 41:50

Gu laanen là deng mbut mbel bitil bong, deng lewu ne ngà logi Jusif bè Asinat yóm tuha libunen.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

Kem Lingón 78:27

Hwiten yó kem tey utón lómón kwen le kfung, hwiten kem onuk móyóng, lómón kwen le helek bè kilil mohin.

Jirimaya 33:22

Angat hbólu yó kem sfu Dabid yóm tau tóbóng lówóhu, dalang se yó kem sfu Libay mò blóng ebéléu. Yóm kmò kehbólu kul, hol lómó kwen le blotik bè longit ne lómón kwen le helek bè kilil mohin, là kô gbek msó kul.”

Kmukum 6:5

Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.

Kmukum 7:12

Gotu le lememek kmamfù bè yó bè datal yó kem tau Midyan ne yó kem tau Amélék ne yó kem tau lemwót bè yóm benwu laen hol wen tauhen fi dmata kdaw Él Jurdan. Lómón kwen le lómón tlangas lememek te tonok. Yóm kwen yó kem kamél le lómón kwen le helek bè kilil mohin, là gbekem msó kul.

1 Samwél 13:5

Ne gotu le stifun se kul yó kem Flistin na le e gnida yó kem tau Israél, botong tlu libu klitun tók nit bè gida nwit le ne nem libu tau smakay kudà mung kul, ne yóm kwen yó kem sendalù le lómón kwen le helek bè kilil mohin. Yó nmò le mneged le ebè Mikmas, fi dmata kdaw Bit-abén ne bè yó gónó le kmamfù.