Tekang Kbuten 41:43 - Udél Dwata: Gna Kesfasad ne Lomi Kesfasad

⁴³ Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Tekang Kbuten 41:43 Iomraidhean Croise

Tekang Kbuten 41:42

Omin Faro mlus yóm tising bè tdoken, yóm tising gónón nô yóm kun ilô ne lahuhen bè tdok Jusif. Ne wen nes alì tilob heseken du ne bud lahuhen bè lihol Jusif yóm lieg blówón.

Tekang Kbuten 41:44

Yó bud monen mò ke Jusif yóm Faro, “Ou se yóm Faro. Okóm nbuten ni, laen dù nmò yó kem tau bè klamangen Idyip ke là mlanen béléem.”

Tekang Kbuten 42:30

mon le, “Yóm tau gubérnor bè Idyip, tey sidek keheskongen kum. Yó delemen kum, tau me hemkana bè benwuhen kun.

Tekang Kbuten 42:33

Yó bud balaen kum yóm tau tu, monen, ‘Yó ilóu du ke tau ye là mò kéng, sotu bélê ye fen tebel bè ni, fen le mit ken mulék yó du kem dumu ye, wen yó kem fes lówó ye kô lemnus le.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 45:26

Bè yóm kkól le béléen, mon le mò du, “Ó Mà, tolo mowil he Jusif. Deng du gubérnor bè klamangen Idyip nim kmoen ni.” Tódô neb Jakub, balù udì ke hentahuhen lu.

Tekang Kbuten 45:8

Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.

Tekang Kbuten 50:18

Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Tekang Kbuten 50:9

Wen se kem dumu tau Idyip smakay klisa ne wen se smakay kudà, gotu le mung ke Jusif bè yóm kebengen ke maen yó. Tey tau wen mung du.

Istér 10:3

Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.

Istér 3:2

Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du.

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Flipay 2:10

Duhen yó, lemwót bè yóm kadat le du yóm boluy Jisas, angat le gotu mtud bukol bè soluhen yóm kdéen nô bè longit, ne kdéen nô talak tonok, ne kdéen nô laan tonok, gotu le angat mtud bukol béléen.