Tekang Kbuten 41:42 - Udél Dwata: Gna Kesfasad ne Lomi Kesfasad

⁴² Omin Faro mlus yóm tising bè tdoken, yóm tising gónón nô yóm kun ilô ne lahuhen bè tdok Jusif. Ne wen nes alì tilob heseken du ne bud lahuhen bè lihol Jusif yóm lieg blówón.

Tekang Kbuten 41:42 Iomraidhean Croise

Tekang Kbuten 38:18

“Tedu se nóyóem du?” mon Juda. Bnalà yóm libun, monen, “Blayem dou yóm tising gónón nô ilóem mung du féten ne yóm tuged nogotem.” Tahu se, blay Juda du yóm hnihen yó, ominen semtungô du ne mlutut Tamar.

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Istér 10:3

Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.

Istér 3:10

Tahu se, knotuk yóm tau hol geta yóm atul Haman. Ominen mlus yóm tisingen hdanaen ta yóm udin nmò le mò ilô yóm deng kkotuken du. Ne blayen ke Haman yóm ngà Hamidata, yóm tau semfu gu bè yóm tehe Agag yóm tau alì hohon yó kem Ju.

Istér 3:12

Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen.

Istér 8:10

Yóm hsulat Murdikay yó, hlanen bè boluy Sérksis ne hdanaen lemen tising yóm tau hol geta yó. Yó kem sulat yó, heted le yó kem tau gel meted sulat smakay yó kem kudà alì mlóy, hónô kudà yóm tau hol geta.

Istér 8:15

Kewót Murdikay bè yó bè gónô bong yóm tau hol geta leseken yóm nes bè yóm kegetahen, yóm nes ginggung ne bukay ne bud wen nes tilob megem ginggung suen tahen. Hyu wen kuruna blówón alì knóón suub bè kuluhen. Bè yóm kungol le du yó kem tau bè yó bè Susa yóm lomi udin yó ya tey kehligal le.

Istér 8:2

Tódô nlus yóm tau hol geta bè tdoken yóm tisingen, yóm wen ilóen nô du, (yóm tising deng bud nwahen bè Haman) ne oguhen ke Murdikay. Ne ke Istér kun, bud hogoten ke Murdikay se yóm kdê tehe nfun Haman.

Istér 8:8

Okóm yóm udin deng hwiten mlan bè boluyu ne deng hdanaen lemen tisingu, là kô gbeku mkó du. Okóm ni dii nmoem, Murdikay, smulati ebè yó kem dumuhem Ju ke tedu nóyóem mò lanem hemseng yóm udin yó. Snulatem mlan bè boluyu ne hdanaem lemen tisingu.”

Kem Lingón 73:6

Yó gónóm mon, tendo gfan bélê le yóm kehegeta le knô. Deng le mom heklabak bè yóm ksidek nmò le bè kem dumu tau.

Kem Udél Hlalak Tehe Selumun 1:9

Lemwót bè yóm ktolok le kóm, yó se mò gónón hol tilob yóm kóm kmò lómón ke hegkesi mulew ne lemieg mò heklóón kóm.

Kem Udél Hlalak Tehe Selumun 31:22

Gel wen kumù nmoen ne yóm kun nes gel lesek tey hyu ne tey tilob beteken.

Kem Udél Hlalak Tehe Selumun 31:24

Ne yóm libun yehenen ni koni gel mò nes ne hilet ne hbaluen bè yó kem tau gel mò udél swa.

Jirimaya 52:33

Wen nes lomi blayen du mò tles yóm nes blanggù leseken ne gel hmungen mken bè yóm kun lemisa efet katay Jihuyakin.

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Danyél 5:29

Lemwót bè udél Bélsasar, hesek le ke Danyél yóm nes megem hulô, omin le hmieg du lieg blówón ne henbalingen getlu geta bè yóm benwu yó.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Kun Snulat Luk 15:22

Okóm yóm maen, tódô kendel tnabahen yó kem tau mò nmò béléen, ne monen mò kul, ‘Hetlasik géhél nit ye dou edini yóm nes alì tilob mò lesek nim ngau. Ma ye do tising mò suu bè tdoken, ne tlumfaen.

1 Samwél 18:4

Tódô nlusen yóm nes lafin ta yóm nes leseken ne blayen ke Dabid, mung du oniten ne sudengen ne bohohen ne hileten.