Tekang Kbuten 41:41 - Udél Dwata: Gna Kesfasad ne Lomi Kesfasad

⁴¹ Ne ni, nmou uu gubérnor bè klamangen Idyip.”

Tekang Kbuten 41:41 Iomraidhean Croise

Tekang Kbuten 39:22

Ne deng mom hogoten du yó kem dumu tau blanggù. Són Jusif fen mogot du balù kihu nmò le bè yó lem gónô blanggù.

Tekang Kbuten 39:5

Lemwót bè yóm knô Jusif bè yó, tey któbóng Dwata du yóm tau Idyip gónóhen nô, gomong yó kem tau nogoten ne kdê yó kem ngom lem gónóen kkólen bè yó kem huluhen.

Tekang Kbuten 41:44

Yó bud monen mò ke Jusif yóm Faro, “Ou se yóm Faro. Okóm nbuten ni, laen dù nmò yó kem tau bè klamangen Idyip ke là mlanen béléem.”

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 45:8

Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.

Istér 10:3

Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.

Kem Lingón 105:21

Yó hmoen ke Jusif, hkemen du yó kem tau mò nmò lem gónóen, ne hogoten du yóm kdê knamalen.

Kem Udél Hlalak Tehe Selumun 17:2

Lemwót bè yóm khulungen hedem yóm hesek, gónón mom baling kmulu béléen yó kem ngaen logi là gulit yóm amohen. Ne lemwót bè yóm khulungen hedem yó gónón gomong gumun bè kdê kendengen yóm amohen.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 6:3

Bè kdê yó kem tau deng nélék yóm tau hol geta, són Danyél yóm tonen bong kenhulungen senta yó kem dumuhen ne yó gónón tô mélék du mò mogot klamang yóm benwu knamalen.

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.