Tekang Kbuten 41:30 - Udél Dwata: Gna Kesfasad ne Lomi Kesfasad

³⁰ Okóm kogolen bè yó, hitu halayen se kegenen mbel bitil bong. Lemwót bè yóm tey ksideken yóm bitil bong yó, botong klifót le yó kem halayen tehe tey bong nuta le.

Tekang Kbuten 41:30 Iomraidhean Croise

Tekang Kbuten 41:21

okóm sana keklangkang le, laen kô ili le. Ne ominu btik.

Tekang Kbuten 41:27

Yóm hitu safì kmangkang hesut huli ne yóm hitu kanguy halay kafa, yó hnigaden hitu halayen kegenen mbel bitil bong.

Tekang Kbuten 41:31

Yóm halayen alì bong nuta le, balù udì ke gtulón nawa le, bà mon yóm tey sidek alì kbel bitil.

Tekang Kbuten 41:51

Yó mon Jusif, “Deng heklifót Dwata dou ne yó kem tehe gónóhu glayam ne yóm khahuu bè yó kem fes lówó mà.” Ne yó gónón moluy du Manasi yóm ngaen twogu.Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Tekang Kbuten 41:54

Ominen yó mbut yóm hitu halay kbel bitil bong, tódô uliten du yóm tehe eles kmon Jusif du. Yóm kbel bitil bong yó, botong gomong kdéen tólóng benwu hmilol kul. Okóm bè klamangen Idyip, hanà tolo wen ken le.

Tekang Kbuten 41:56

Ngangen ne temnù ksideken yóm bitil bong efet gefet bè klamangen Idyip. Yó nmò Jusif, lenungkaen ne kdéen bediga bè klamangen Idyip ne heblihen ken yó kem tau Idyip.

Tekang Kbuten 47:13

Ngangen mò du mbel bitil bong efet laen dù bud ken bè klamangen ne là bud le mgel yó kem tau bè Idyip ne bè Kanan lemwót bè kbitil le.

2 Samwél 24:13

Tahu se, mógów ebè Dabid Gad, ne snólóken, “Mahi du se nélékem bè ni kem ni? Yóm tlu halay kbel bitil bong bè benwuhem kô, duhen ke tlu bulón ye tendo mlóy lan le kemtes kuy yó kem hohon ye, duhen ke tlu kdawen msut bè benwuhem yóm tey des mit hatay? Hol hendemem ne, ominem tmulón du dou yóm nélékem anì bud tulónu ke Dwata.”

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

2 Bok Kem Tau Hol Geta 8:1

Yó tehe mon Ilaysa bè yóm libun boi tehe hlowilen ngaen, “Nwitem kem fes lówóhem, ne mebeli benwu gónóm nô, abay se hbel Dwata bitil bong lem nim benwu Israél ni lem yóm hitu halay.”

Kem Lingón 105:16

Bè yóm kdaw yó, hbel Dwata yóm tey bitil bong bè benwu Kanan yóm gónó le nô, ngangen efet gotu yóm ken le.

Kem Udél Hlalak Tehe Selumun 31:7

Tódô bayaem yóm kinum le anì klifót le yóm alì kélél le ne yóm alì sidek kegnóm le du.

Kun Snulat Luk 4:25

Ngem bè yóm hanà tolo kegenen du Ilaydya ekni, na a mbel yóm tey bitil bong bè klamangen benwu. Yó kegenen mò du là kmulón, botong tlu halay bud nem bulón. Bè Israél, yóm hol kun benwu Ilaydya, tey dê libun bolu gemfà du yóm tey bitil bong yó.

Sulat Jim 5:17

Lómón ke tehe Ilaydya ekni, sotu tau tonok lómón tekuy snéen, ngem yóm tehe knihen bè Dwata anì là kmulónen. Tahu se, botong tlu halay sóól kegenen là kmulón.