Tekang Kbuten 41:26 - Udél Dwata: Gna Kesfasad ne Lomi Kesfasad

²⁶ Yóm hitu safì mabù tilob klówó knahem, hnigaden hitu halay. Ne senged se yóm hitu kanguy halay tey mfól bunguhen, bud hitu halay snéen hnigaden. Tek sotu tulónen.

Tekang Kbuten 41:26 Iomraidhean Croise

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Tekang Kbuten 40:12

Mon Jusif se mò du, “Ni sii lanen yóm knahem yó. Yóm tlu hanga tonem, hnigaden tlu kdaw.

Tekang Kbuten 40:18

Mon Jusif se mò du, “Yó lanen yóm kóm kna, yóm tlu lideng yó, hnigaden tlu kdaw.

Tekang Kbuten 41:2

Tódô tonen wen hitu kem safì mabù tilob klówó le hesut gu lem él na le e mótób te kembu.

Tekang Kbuten 41:25

Ne yó mon Jusif mò ke Faro, “Yóm lewu knahem yó, tek sotu tulónen, eles hetngón Dwata kóm yóm angat nmoen.

Tekang Kbuten 41:27

Yóm hitu safì kmangkang hesut huli ne yóm hitu kanguy halay kafa, yó hnigaden hitu halayen kegenen mbel bitil bong.

Tekang Kbuten 41:29

Lenwóten ni, hitu halayen kegenen gengón nuta bè klamangen Idyip.

Tekang Kbuten 41:47

Lem yóm hitu halay alì bong nuta le, ya tey kbungu yóm kdéen hulu.

Tekang Kbuten 41:5

Ne ominen bud tungô ne bud wen knahen. Yó knahen, wen sotu tinu halay tonen botong hitu kanguyen bede tey mfól bunguhen.

Tekang Kbuten 41:53

Ngangen ne mfu yóm hitu halay alì kwen nuta bè klamangen Idyip.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Danyél 2:45

Yó se hnigad yóm botu lemkà bè yóm tey léhék, lómón ke wen kemleng du, bede sundu tau du mò du. Bè yóm kegdeken bè yóm lennged wen bala tóken ne tembagahen ne tonok miketen ne blówón bukayen ne tahu blówónen, gotu lenunahen. Yóm ni, mò gónó Dwata eles heglileb du kóm yóm angat hesuten elem hulin kdaw. Tahu se yóm knahem ne dohò yóm hnigaden.”

1 Kurin 10:4

Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

1 Jan 5:7

Wen tlu gónó tekuy dmilô du ke du yóm hol Ngà Dwata: