Tekang Kbuten 41:25 - Udél Dwata: Gna Kesfasad ne Lomi Kesfasad

²⁵ Ne yó mon Jusif mò ke Faro, “Yóm lewu knahem yó, tek sotu tulónen, eles hetngón Dwata kóm yóm angat nmoen.

Tekang Kbuten 41:25 Iomraidhean Croise

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 41:16

Omin Jusif malà du, monen, “Là. Tek són Dwata gembek tmulón du kóm lan yóm knahem anì hol gsengel nawahem.”

Tekang Kbuten 41:26

Yóm hitu safì mabù tilob klówó knahem, hnigaden hitu halay. Ne senged se yóm hitu kanguy halay tey mfól bunguhen, bud hitu halay snéen hnigaden. Tek sotu tulónen.

Tekang Kbuten 41:28

Yó se yóm monu mò kóm, eles hetngón Dwata kóm yóm angat nmoen.

Tekang Kbuten 41:32

Yó gónó Dwata hekna kóm lewu dulék anì tngónem yóm hol kehdohoen du yóm knahem ne là buden legen ne ksuten.

Kem Lingón 98:2

Deng heglalag Dwata yóm kegmoen, ne deng hegfanen bè ket benwu yóm tey ktedengen.

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Isaya 43:9

Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.

Danyél 2:45

Yó se hnigad yóm botu lemkà bè yóm tey léhék, lómón ke wen kemleng du, bede sundu tau du mò du. Bè yóm kegdeken bè yóm lennged wen bala tóken ne tembagahen ne tonok miketen ne blówón bukayen ne tahu blówónen, gotu lenunahen. Yóm ni, mò gónó Dwata eles heglileb du kóm yóm angat hesuten elem hulin kdaw. Tahu se yóm knahem ne dohò yóm hnigaden.”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Matyu 24:40

Bè yóm kdaw yó, ke lewu tau tmiba, sotu nwiten, sotu se tebelen.

Mark 13:23

Eles tulónu kuy ni kem ni anì hol ye getgama.”

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”