Tekang Kbuten 40:8 - Udél Dwata: Gna Kesfasad ne Lomi Kesfasad

⁸ Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Tekang Kbuten 40:8 Iomraidhean Croise

Tekang Kbuten 40:9

Tahu se, tulón yóm tau tehe mkay ninum yóm kun kna, monen, “Yó dou kna, tonu tinu grép mteg bè soluhu,

Tekang Kbuten 41:25

Ne yó mon Jusif mò ke Faro, “Yóm lewu knahem yó, tek sotu tulónen, eles hetngón Dwata kóm yóm angat nmoen.

Job 33:23

Okóm ke wen hógów Dwata gu bè longit, yóm sotu bè yó kem hilu libu gel hógówen nô bè yó ne ke du mfi du yóm tau yó ne tulónen du yóm hyu mò nmoen,

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Danyél 2:11

Tey mgel yóm snólókem bélê me ni, laen dù tau gembek du. Tek són yó kem dwata gembek tmulón du kóm, bede là kô le hdulen bè tau.”

Danyél 2:27

Bnalà Danyél se, monen, “Laen kô dù tau temngón, duhen ke tau demwata, duhen ke tau hemgawang ke gembek tmulón du kóm yóm knahem.

Danyél 2:28

Okóm wen Dwata nô bè longit hulung hegfan du yóm gebnos ne mlan bè knahem gónón hegfan du béléem, yóm msut elem hulin kdaw. Ne ni, tulónu kóm yóm knahem ne yóm deng hton Dwata kóm bè yóm igoem hlilil bè gónóm tungô.

Danyél 2:3

ne yó udél yóm tau hol geta ebélê le, monen, “Wen knahu ne tey sbeweg kegnómu du. Móyóe temngón du yóm knahu ne ke tedu hnigaden.”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 4:8

Ngangen efet kól béléu Danyél ne tulónu du yóm knahu. (Yóm Danyél bnoluyu Béltisasar, hadénu bè yóm dou dwata, sotu tau deng htulus yó kem dwata hol mólós.)

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.