Tekang Kbuten 40:23 - Udél Dwata: Gna Kesfasad ne Lomi Kesfasad

²³ Okóm yóm tau gel mkay ninum yó, deng mom klifóten Jusif, balù udì ke bud gbel bè nawahen.

Tekang Kbuten 40:23 Iomraidhean Croise

Tekang Kbuten 41:1

Timbow deng bud lewu halayen bè yó, wen kna yóm Faro bè Idyip. Yó knahen, mdà bè kilil yóm tey él bong boluyen Nayl.

Tekang Kbuten 41:9

Ominen mudél ebè Faro yóm tau gel mkay ninum béléen, monen, “Ni he kegtulónen bè nawaw yóm tehe salau.

Istér 6:3

Yó mon yóm tau hol geta yó, “Tedu se deng gónó tekuy hegfan du du yóm kadat tekuy ke Murdikay bè nim nmoen ni ne tedu se deng ofol blay tekuy du?” Mon yó se kem tóbóng lówóhen, “Laen duen he.”

Job 19:14

Yó kem dumuhu ne yó kem hol weu là bud tngónem kul ne.

Kem Lingón 105:19

Song gewà, deng dohò yóm tehe eles tulónen kul angat sut bè benwu le. Yóm eles tulónen kul yó, deng tehe eles hetngón Dwata du.

Kem Lingón 31:12

Là bud hendem le dou, lómón ke denge matay, ne lómón ke ou yóm kuleng lemusok deng bot le.

Kem Lingón 31:13

Tey dê gungolu udél le etahu, ne deng slibut dou yóm alì knikou. Deng natul le ou yó kem hohonu, natul hnatay le ou.

Amus 6:6

Minum ye tifas grép lem tukung ne lunol ye bè lówó ye yóm hboo alì minggel boohen, okóm là kô dog knangag ye du yóm móyón keglà yó kem tau Israél.