Tekang Kbuten 40:20 - Udél Dwata: Gna Kesfasad ne Lomi Kesfasad

²⁰ Tahu se, na a hto yóm tlu kdaw. Yó se yóm kdaw tehe ksut Faro. Wen tey ken bong nmoen bè yó kem genlalen. Bè yóm kdaw yó, hewà Faro yóm tau tehe gel mkay béléen ninum ne yóm geta bè yó kem gel mò mambang béléen, hdaen lu bè solu yó kem genlalen.

Tekang Kbuten 40:20 Iomraidhean Croise

Tekang Kbuten 21:8

Ngangen ne lemnok yóm ngà yó. Tikóng skó tmutù botong mò ken bong Abraham.

Tekang Kbuten 40:13

Tlu ni duen kehewà Faro kóm. Hnifóten uu ne bud huléken uu bè yóm nmoem. Angat bud gel oguhem du yóm tegayanen lómón yóm sana gel nmoem béléen.

Tekang Kbuten 40:19

Tlu ni duen kehewà Faro kóm, okóm heklengen liholem. Ominen hetléwéng kóm bè koyu ne gotu senssék onuk koyu ungedem.”

1 Bok Kem Tau Hol Geta 3:15

Tódô gebtik Selumun, anì monem olo knahen. Ominen mulék ebè Jirusalim, ne mdà bè solu yóm Slungan Dwata, bè yó gónón demsù yó kem dsù gel hkekeb le ebè Dwata, ne yó kem dsù mit sefyu ebè Dwata. Ominen gotu tminok yó kem genlalen ebè yóm ken bong nmoen.

2 Bok Kem Tau Hol Geta 25:27

Timbow bè yóm deng getluhen folò hitu halay kegen Jihuyakin blanggù bè Babilun, yó bud tles mogot yóm benwu Babilun, duhen Ibil-mirudak. Tey tilob knawahen ebè Jihuyakin se kun, ne bè yóm gewuhen folò hitu kdaw bè yóm gesfoloen lewu bulón, botong hewaen lem blanggù Jihuyakin.

Istér 1:3

Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Job 3:1

Kogolen bè yó, tódô hebkó mudél Job henmulaen yóm kdaw tehe ksuten.

Kem Lingón 105:19

Song gewà, deng dohò yóm tehe eles tulónen kul angat sut bè benwu le. Yóm eles tulónen kul yó, deng tehe eles hetngón Dwata du.

Jirimaya 52:31

Bè yóm deng getluhen folò hitu halay kegen Jihuyakin blanggù bè Babilun, yóm sotu tau tehe geta bè Juda, wen tau hol geta bud tles mogot yóm benwu Babilun boluyen Ibil-mirudak. Tey hyu knawahen ebè Jihuyakin, botong hewaen gu lem blanggù. Yóm kdaw kehewaen du yó, bè gewuhen folò limu kdaw bè yóm gesfoloen lewu bulón bè yóm halay yó.

Matyu 14:6

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Matyu 25:19

Deng tey kegenen mógów ne yóm gónó le mogot, ominen bud kól. Ne gotu htabahen yó kem tau tehe wen hogoten kul. Gotu snólóken bélê le yóm kmò khógów le du yóm filak tehe hogoten kul.

Mark 6:21

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm kdaw tehe ksut Hirod, deng duhen yó se kdaw Hirudiyas tnana mò yóm kóyô nmoen bè Jan. Gotu tinok Hirod yó kem tau hol geta mogot kukum, ne yó kem tau hol geta bè yó kem sendalù, ne yó kem dumu tau wen glalen bè yó bè Galili.