Tekang Kbuten 40:15 - Udél Dwata: Gna Kesfasad ne Lomi Kesfasad

¹⁵ Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Tekang Kbuten 40:15 Iomraidhean Croise

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 39:20

Tódô hekfóen Jusif, tenesen lem yóm sotu gónô blanggù gónón gel tmafak tau yóm tau hol geta bélê le. Ne bè yó gónó Jusif nô.

Tekang Kbuten 40:16

Timbow gungol yóm tau tehe geta bè yó kem gel mò mambang yóm kehyuhen yóm kun lan kna yóm dumuhen, bud monen mò ke Jusif se kun, “Wen se dou kna. Knahu sensodò suduu yóm tlu lideng mambang.

Tekang Kbuten 41:12

Bè yó lem gónô blanggù, wen logi Hibru lomi lemnok dumu me geblanggù. Du se hesek yóm kfitan bè yó kem tau gel mentey kóm. Tulón me du yóm kna me, gotu tulónen kum se yó kem lanen.

Kem Lingón 105:18

Bè yóm deng kkólen bè Idyip, kendina le tihen, wen bala tók legiling sù le bè liholen.

Kem Lingón 109:2

igò le mudél sidek etahu yó kem tau mò sidek, ne hono kéng yóm tulón le gbak béléu.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Kun Snulat Jan 10:32

Okóm mon Jisas mò kul, “Tey deng dê ne yóm hyu deng hmò Mà dou lem blóng ye. Mahi du de bè yó kem nmou yó gónó ye tô tmudà dou botu?”

Kun Snulat Jan 15:25

Ni se deng kdohoen yóm tehe monen bè sulat Dwata, yóm monen, ‘Tódô knutó nawa le ou là duón.’”

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

1 Samwél 24:11

Ngem, hnénégem nim nô lem hólólu. Deng dnólóhu bè kilil yóm nesem okóm là kô hnatayu kóm. Bè ni se gónóm temngón du laen dù hendemu ke tô hnatayu uu ne laen se dù deng salà nmou béléem, balù yóm tendo kdulokem do anì ghatayem o.