Tekang Kbuten 40:14 - Udél Dwata: Gna Kesfasad ne Lomi Kesfasad

¹⁴ Okóm ke dengi gewà ne deng bud hyu klowilem, hol béem abay klifót se ou ne hol gel tulónem ou bè Faro mò lanem tmóbóng dou anì gewae lem nim gónô blanggù ni.

Tekang Kbuten 40:14 Iomraidhean Croise

Tekang Kbuten 40:13

Tlu ni duen kehewà Faro kóm. Hnifóten uu ne bud huléken uu bè yóm nmoem. Angat bud gel oguhem du yóm tegayanen lómón yóm sana gel nmoem béléen.

Tekang Kbuten 41:9

Ominen mudél ebè Faro yóm tau gel mkay ninum béléen, monen, “Ni he kegtulónen bè nawaw yóm tehe salau.

2 Samwél 9:1

Sotu kdaw, smólók Dabid, “Wen kô tolo mowil bè yó kem fes lówó Sol anì tnóbóngu mò gónów hegfan du yóm nawahu ebè Junatan?”

1 Bok Kem Tau Hol Geta 2:7

Hol hentilobem kmoem ebélê le yó kem ngà Barsilay lemwót bè Gilyad. Tendo gel hmungem lu mken bè lemisahem, abay se tey hyu kmò le ebéléu bè yóm tehe kehlóyu ke Absalum yóm twoguhem.

Kun Snulat Luk 23:42

Ne yó monen mò ke Jisas, “Ó Jisas, hol hentulónem ou nawa ke deng kól du yóm hol kegetahem.”

1 Kurin 7:21

Ke uu sotu tau klifen bè yóm kdaw ktaba Dwata kóm, kem kunen ne yó. Okóm ke wen se lanem gewà gu lemen, sawang là hewai.

Juswa 2:12

Ne ni smafà ye do bè yóm kuy Dwata yó, hol nmò ye bè yó kem fes lówóhu yóm hyu deng nmou bélê ye. Mò ye do ilô mò gónóhu smalig kuy.

1 Samwél 25:31

laen dù genselem, abay se là dengi meles ne là hmatayi tau hkawang. Ne ke deng nmò Dwata béléem ni kem tey hyu ni, hol béem abay klifót ou.”