Tekang Kbuten 4:6 - Udél Dwata: Gna Kesfasad ne Lomi Kesfasad

⁶ Ne yó mon Dwata mò ke Kain, “Moen de, Kain, ke alii lembut? Moen de ke alì sidek kegnómem du?

Tekang Kbuten 4:6 Iomraidhean Croise

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Juna 4:4

Ne yó balà Dwata ke Juna, monen, “Hyu kô, Juna, yóm alì kebutem yó?”

Juna 4:9

Okóm yó bud mon Dwata mò du, “Hyu kô, Juna, yóm alì kebutem du yóm kenes yóm hulu yó?” Bnalà Juna se, monen, “Wen se buten nim kebutu ni. Tumù nawaw tódô kem matay ne.”

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”