Tekang Kbuten 4:5 - Udél Dwata: Gna Kesfasad ne Lomi Kesfasad

⁵ Okóm fen kenbéen yóm kun dsù Kain. Ya tey sidek kebut Kain, ne tey sidek kegnómen du.

Tekang Kbuten 4:5 Iomraidhean Croise

Tekang Kbuten 31:2

Bud ton Jakub snéen yóm là bud hol kgulit Laban yóm gna kmoen ebéléen.

Tekang Kbuten 31:5

Bè yóm kkól le bè yó, yó mon Jakub mò kul, “Deng dilóu bè mà ye yóm là bud hol kgulit kmoen ebéléu, là mkélen bè yóm gnan. Okóm yóm Dwata tendo kun lolò mà eles tendo nô béléu.

Tekang Kbuten 39:19

Unihen mungol du yóm amo Jusif yóm tulón tuha libunen, ya tey kebuten.

Job 5:2

Tey nungel yóm tau hmosok ke Dwata ne yó se gónón angat meglà. Tey tau là hulungen hedem yóm tau mélés nawahen ne yó se but angat gónón matay.

Kem Lingón 20:3

Hol henmóyô Dwata he yó kem blayem du, ne hol hligal du he yó kem gel dsuem ebéléen.

Kem Udél Hlalak Tehe Selumun 19:3

Lemwót bè yóm kun kbook yóm tau gónón gbà klowilen, ewenem sana kehnuléken ke Dwata.

Kem Udél Hlalak Tehe Selumun 29:10

Yó kem tau tendo módód hmatay tau, knutó nawa le yóm tau laen dù belenen, okóm yó kem tau tedeng kmò le, gel kenlung le yó kem tau laen dù belenen yó.

Lista 16:15

Tey sidek kebut Musis bè yóm kungolen du yóm mon le yó, botong monen mò ke Dwata, “Ó Dwata, hol béem abay henmóyô ke wen blay le kóm ni kem tau ni. Balù sotu bélê le ke deng wen sidek nmou bélê le. Ne balù sotu kudà asnu le ke deng tódô nwahu bélê le.”

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Kul Nmò 13:45

Timbow ton yó kem Ju yóm tey tau wen, deng mom mélés nawa le le Pol. Deng mom hennê le yóm tulón nwit Pol, lel le semdekà du.

Hibru 11:4

Bè yóm tehe Abél ekni, lemwót bè yóm kehtahuhen bè Dwata gónón mò du yóm dsù kun kóyô Dwata, fen là yó dum twoguhen Kain. Lemwót bè yóm kehtahu Abél, yó gónón tedeng kton Dwata du, ne bud bè yó gónó Dwata hemmóyô du yóm dsuen. Balù yóm deng katayen, tolo wen dnalang tekuy béléen lemwót bè yóm kehtahuhen bè Dwata.

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”