Tekang Kbuten 4:26 - Udél Dwata: Gna Kesfasad ne Lomi Kesfasad

²⁶ Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

Tekang Kbuten 4:26 Iomraidhean Croise

Tekang Kbuten 12:8

Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

1 Bok Kem Tau Hol Geta 18:24

Omin ye tmaba bè boluy yóm kuy dwata lennged, ne bude tmaba se do bè boluy yóm dou Dwata. Yó se Dwata malà du yóm hni tekuy mlan bè yóm kehwiten ofi, du se yóm hol tahu Dwata.” Tahu se, knotuk yóm kdéen tau.

Kem Lingón 116:17

Angat wen dsuu ebéléem mò gónóhu slamat béléem, hmungu du yóm tey kdóyónu kóm.

Isaya 44:5

Ne yó kem tólóng tau, angat sotu kun mon du, ‘Tauhe Dwata dou.’ Ne yó kem tau mon du yóm yó, angat le mung bè yó kem tau Israél. Sket kul tmugéng du bè sigel le yóm boluy Dwata. Gel mon le, ‘Ou se sotu tau Dwata.’ ”

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Juwél 2:32

Yó se htóbóng bè boluy yóm sana Dwata hol gónó mogot angat gewà. Angat wen gewà bè yó kem tau nô bè Bulul Sayun bè Jirusalim, lómón yóm deng tehe mon Dwata. Yó kem tau gewà yó, lu se yó kem tau deng kun nélék Dwata.”

Sifanaya 3:9

“Bè yóm kdaw yó, tenlesu yóm ksumóng tau anì baling mólós ne anì tódô kdê le tmaba bè yóm dou boluy ne ssotu nawa le lemolò dou.

Kun Snulat Luk 3:38

Yóm Kinan, ngà Inos. Yóm Inos, ngà Sét. Yóm Sét, ngà Adam. Yóm Adam, ngà Dwata.

Kul Nmò 11:26

Timbow tonen, nwiten ebè Antyok. Botong sfalay le nô bè yó na a tmolok bè yó kem tau deng hemtahu bè yó. Bè Antyok se tanay gónó le moluy kul Kristyan yó kem tau hemtahu.

Kul Nmò 2:21

Duhen yó, kihu tau htóbóng bè yóm gónó tekuy mogot, angat gewà gu lem hatay.’ ”

Sulat Pol Ebè Yó Kem Tau Hemtahu Bè Rom 10:13

Lómón yóm monen bè Sulat Dwata, yó monen, “Ket tau htóbóng bè yóm gónó tekuy mogot, angat gewà gu lem hatay.”

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.