Tekang Kbuten 4:2 - Udél Dwata: Gna Kesfasad ne Lomi Kesfasad

² Kogolen bè yó, bud mngà logi, duhen Abél. Bè yóm deng kbong yó kem lewu ngà yó, yó kun nmò Abél gel semgyok ubiha, okóm ke Kain kun fen gel mò nmò bè tonok.

Tekang Kbuten 4:2 Iomraidhean Croise

Tekang Kbuten 3:23

Yó gónóm mon, tódô hdó Dwata le Adam bè yóm hungul koyu bè Idin anì nbuten mò nmò ta yóm tonok tehe gónó le mò du.

Tekang Kbuten 37:13

Yó mon Jakub mò ke Jusif, “Ó Jusif, mógówi etu bè Sékém bè yóm gónó le hótób ógóf yó kem twoguhem.” Mon Jusif se, “Yó sen.”

Tekang Kbuten 4:1

Timbow sentungô Adam Ib yóm tuha libunen, tódô mlutut ne mngà logi. Yó udélen, “Lemwót bè tóbóng Dwata dou, yó gónóhu mngà logi.” Ne yó gónóhen moluy du Kain yóm ngaen yó.

Tekang Kbuten 4:3

Sotu kdaw bè yó, wen nwa Kain bè yó kem nutahen ne dsuen ebè Dwata.

Tekang Kbuten 47:3

Ne snólók Faro lu, monen, “Tedu se kuy gel nmò du?” Mon le se, “Gel me semgyok ubiha, lómón yóm kul gel nmò yó kem tehe fù me.

Tekang Kbuten 9:20

Yó kun nmò Nuwa, gel mò nmò bè tonok. Du se yóm hol tanay tau mulu grép.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Amus 7:15

Okóm yó nmò Dwata, tnabahen ou yóm igou semgyok ógóf, monen mò dou, ‘Mógówi ebè yó kem dou tau bè benwu Israél, wen htugodu kóm bélê le.’

Kun Snulat Luk 11:50

Yó angat guta ye du yóm nmò ye yó, angat snolò Dwata bélê ye kdê yó kem gna tugoden deng tehe hnatay le lemwót bè hol kbut benwu,

Kun Snulat Luk 11:51

kewóten bè katay Abél bnonok efet yóm kbonok le ke Sekariya. Tódô kem hnatay le igoen mógów lem blóng yóm gónó le gel demsù ebè Dwata ne yóm Gónô Dwata. Yó tódô tulónu kuy,” mon Jisas, “angat tnafak Dwata yu bè yó kem kdê tugoden tehe matay bnonok.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

1 Jan 3:15

Yóm tau ke tendo mutó nawahen kem dumuhen, lómón ke deng monok. Ne tódô tngón ye là kô gutahen du klowil laen dù sónen yóm tau monok.