Tekang Kbuten 4:16 - Udél Dwata: Gna Kesfasad ne Lomi Kesfasad

¹⁶ Ne omin Kain tmagak ke Dwata ne ditu gónón nô bè yóm benwu boluyen “Ówów,” nô fi dmata kdaw yóm hungul koyu bè Idin.

Tekang Kbuten 4:16 Iomraidhean Croise

Tekang Kbuten 3:8

Na a móyón kifu bè yó, tódô gungol le yóm Dwata hol gónó mogot mógów gu lem yóm hungul yó ne yó nmò le, mom henbnos le Dwata lem blóng yó kem koyu.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”

Tekang Kbuten 4:17

Kogolen bè yó, sentungô Kain tuha libunen ne mlutut ne mngà logi. Yó boluy le du, Inuk. Ominen wen syudad hdà Kain ne yó boluyen du Inuk yóm boluy ngaen.

2 Bok Kem Tau Hol Geta 13:23

Okóm yóm Dwata, tey kkoduhen kul yó kem tau Israél, ne yó gónó le là gotu meglà. Knoduhen lu lemwót bè yóm deng kesfasad le Dwata Abraham ne Isak ne Jakub. Efet ni kmoen ni, là kô sulék genlaen kul yó kem tauhen, ne là se kô tebelen kul.

2 Bok Kem Tau Hol Geta 24:20

Duhen yó, lemwót bè yóm alì kebut Dwata kul yó kem tau bè Jirusalim dalang se yó kem tau bè Juda, gotu kóhen lu bè soluhen, ne gotu hegefen lu mayuk. Omin Sidikaya matù yóm tau hol geta bè Babilun, là buden móyô hogot béléen.

Job 1:12

Yó mon Dwata mò ke Seitan, “Yó ne, tódô kdê yó kem nfunen gotu suu lem hólólem. Okóm hol béem abay hendes ke Job kun.” Tahu se, lemwót bè yó Seitan bè solu Dwata.

Job 2:7

Tahu se. Lemwót Seitan gu bè solu Dwata, tódô hlós ebè Job ne gotu hesuten bè lówó Job yó kem tey hisa wen lenwóten laan tihen efet kól bè kuluhen.

Kem Lingón 5:11

Okóm yó kem tau mlo ebéléem, hligal le se kul. Lemwót bè yóm tey kligal le, tendo sngal le yó kem sngal dmóyón kóm. Nofinem lu anì yó hol le hligal kdê yó kem tau kembong nawa kóm.

Kem Lingón 68:2

Hol gotu lohem lu, lómó kmoem kul, lómón ke kebel nyuf lenos. Lómón yóm tolu mnò bè ofi, hol lómón yó se keglaem kul bè soluhem yó kem tau gel mò sidek.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Jirimaya 52:3

Tey sidek kebut Dwata kul yó kem tau bè Jirusalim ne bè Juda ne yó gónón hdó kul bè soluhen, hegefen lu. Lemwót Sidikaya, natuen Nibukadnisar bè Babilun.

Juna 1:3

Okóm mom yó atul Juna, mógów ebè yóm tólóng benwu alì mayuk bè Ninibi, tô henlóyen Dwata. Yó gónón lemwót mógów ebè Jupa, yóm sotu syudad nô bè kilil mohin, ne bè yó gónón mton du yóm kafal mógów ebè Spén. Tódô kendel bnayaden yóm sukéyen anì hsakay le, mung bè yó kem tau gel mò nmò bè kafal anì yó, wen lanen tô hlayuk bè Dwata.

Matyu 18:20

Baluen he ke tek lewu duhen ke tlu tau stifun mlan bè dou boluy, senged knóu bélê le.”

Kun Snulat Luk 13:26

Ne yó se kuy angat bud balà du, mon ye, ‘Igò me sem deng tehe gel seyón kóm mken du, ne lelem deng tehe gel tmolok bè benwu me ekni.’

Kun Snulat Jan 1:10

Yóm Udél yó koni, deng nô lem benwu. Balù bè yóm tehe kehedlimun Dwata du yóm klamangen benwu, ewenem là kô dog dilô le du yó kem tau nô lemen.

Kun Snulat Jan 1:3

Ne hlan Dwata béléen yóm kedlimunen yóm kdéen. Tódô kentihen deng dlimun Dwata, gotu hlanen tahen.

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.