Tekang Kbuten 4:12 - Udél Dwata: Gna Kesfasad ne Lomi Kesfasad

¹² Ne ni, ke tói bud mò hulu, là kóen hyu ktowoken. Ne sotuhen, là buden mtukul ne kbenwuhem, sónmoem ówów.”

Tekang Kbuten 4:12 Iomraidhean Croise

Tekang Kbuten 4:13

Ne yó mon Kain mò ke Dwata, “Tey Dwata, là kô gbeku mit du nim tey tafakem dou ni.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Kem Lingón 109:10

Hol le baling mni ken bè dumu tau he yó kem ngaen, ne hol lo kem tau lu he gu bè yó kem gónô gbà gónó le nô.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Juwél 1:10

Yó kem tonok gónó mò hulu, laen dù bud hulu tmowok tahen, hol lómón ke gotu le langag. Laen dù bud tonem halay kkólen bè yó kem tifas grép, laen dù bud tonem ne laen se bud tonem hnolo ulib.

Sulat Pol Ebè Yó Kem Tau Hemtahu Bè Rom 8:20

Tehe yu ekni, gotu gomong megtafak kentihen deng dlimun Dwata. Là kóen lemwót bè kul kóyô yóm kegtafak le, okóm yó se kun kehlan du Dwata. Bede wen hendón nangat le.

Dwata 28:15

Okóm ke là nimón ye ke Dwata yóm sana kuy Dwata hol gónó mogot, ne ke là hteneb ye mimón du yóm kdê hlauhen tulónu kuy kemdaw ni, ngem kà angat glumfak ye du yóm tafak Dwata kuy.