Tekang Kbuten 39:8 - Udél Dwata: Gna Kesfasad ne Lomi Kesfasad

⁸ Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Tekang Kbuten 39:8 Iomraidhean Croise

Tekang Kbuten 39:23

Là kóen tafa nawahen du yóm hogoten ke Jusif yóm tau mentey gónô blanggù yó abay se tendo nô bè Jusif Dwata. Balù kihu nmoen, sal hyu uléken.

Tekang Kbuten 39:4

Tey hyu nawa Putifar ebè Jusif, ne nmoen tóbóng lówó mò hol gfi béléen. Ne gotu hogoten du yóm kdéen tau mò nmò bè gónóen ne yóm kdê ngom nô lemen.

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.

Kem Udél Hlalak Tehe Selumun 18:24

Wen se tau olon beyen mon du, Wè, okóm wen he yóm swè mget senta kesetwoli.

Kem Udél Hlalak Tehe Selumun 2:10

Yakà balingen gnô lem nawam yóm khulung hedem ne hligali du yóm ketngónem.

Kem Udél Hlalak Tehe Selumun 22:14

Yóm ksamuk lómón ke holot gónón bkó yóm tau lenbut Dwata.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Kem Udél Hlalak Tehe Selumun 7:5

Yakà kenlung le kóm bè libun mdà yehen tô hegbóy kóm bè tilob kudélen.