Tekang Kbuten 39:4 - Udél Dwata: Gna Kesfasad ne Lomi Kesfasad

⁴ Tey hyu nawa Putifar ebè Jusif, ne nmoen tóbóng lówó mò hol gfi béléen. Ne gotu hogoten du yóm kdéen tau mò nmò bè gónóen ne yóm kdê ngom nô lemen.

Tekang Kbuten 39:4 Iomraidhean Croise

Tekang Kbuten 15:2

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Tekang Kbuten 18:3

Yó monen mò kul, “Ó kem Sér, ke hyu bélê ye, na ye hol slob béléu.

Tekang Kbuten 19:19

Tey deng któbóngem dou, glokem hlowil dou. Okóm tey mayuk tu kem bulul tuu. Gu laanu là deng gefet ditu, deng gafiten ou ne yóm heglumfak Dwata yóm syudad yó ne mataye.

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 32:5

Deng tey wen kem safien ne kem kudà asnuhen ne kem ubihahen ne kem kambingen ne deng wen se kem heseken. Yó gónóhen tminok ebéléem, kóyóen ke mulék hyu nawahem ebéléen.’ ”

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 33:8

Bud snólók Iso, monen, “Tedu se tu du kem gna geslongu? Muhem kul se kem tu du?” Bnalà Jakub se, monen, “Tu se mò gónón mulék hyu nawahem ebéléu.”

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Istér 2:9

Tey kehyu nawa Higay ebè Istér ne tey ketdofen du. Tódô kendel blayen du yóm wen muhen du bè kehtiloben, bud blayen du yóm ken hyu béléen snéen. Wen hitu kem ngà libun néléken bè yó bè gónô bong mò tmóbóng du ne wen tey mdengen dfél htólóngen bélê le.

Kem Udél Hlalak Tehe Selumun 14:35

Tey hligal yóm tau hol geta bè kehyu kmò yó kem tau smugung béléen, okóm tey sidek kebuten du yó kem tau mò yóm gónón myak.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Kem Udél Hlalak Tehe Selumun 17:2

Lemwót bè yóm khulungen hedem yóm hesek, gónón mom baling kmulu béléen yó kem ngaen logi là gulit yóm amohen. Ne lemwót bè yóm khulungen hedem yó gónón gomong gumun bè kdê kendengen yóm amohen.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

Kem Udél Hlalak Tehe Selumun 27:18

Yóm tau tendo sen-gifaen yóm koyu boluyen fig kenen se bunguhen senged se yóm tau tendo sen-gifaen yóm gónón mogot, megdóyón se kun.

Kem Udél Hlalak Tehe Selumun 3:4

Ke ni se nmoem, hligal Dwata ne gsengel nawan ebéléem, dalang se kem dumum tau.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Rut 2:6

Monen se mò ke Buas yóm tau yó, “Libun lemwót bè Muab mung ke Numi bè yóm kuléken.

1 Samwél 16:22

Omin Sol hemwit udél ebè Jisi, monen, “Suem dini ne béléu Dabid abay se hligale du yóm gel nmoen.”

1 Samwél 2:26

Okóm ke Samwél kun, sónmoen minut lemnok. Ne lemwót bè yóm hyu gel nmoen tey hyu nawa Dwata ebéléen dalang se yó kem dumu tau.