Tekang Kbuten 39:3 - Udél Dwata: Gna Kesfasad ne Lomi Kesfasad

³ Tódô dilô yóm amohen yóm tendo knô Dwata bè Jusif ne yó gónón hyu uléken bè yóm ket gel nmoen bè yóm amohen.

Tekang Kbuten 39:3 Iomraidhean Croise

Tekang Kbuten 21:20

Bè yóm deng kenok Ismaél, eles tendo nô béléen Dwata. Tódô nô bè yóm benwu laen hol wen tauhen boluyen Paran. Hlós baling tau alì hulung mogot boho ne gemtì.

Tekang Kbuten 21:22

Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Tekang Kbuten 21:23

Yó nógów me ebéléem ni, hyu ke smafai bélê me bè ni bè solu Dwata. Hol safaem dou yóm là ksukatem dou dalang se yó kem ngau ne yó kem angat bólu. Duhen ni, bè yóm knóem lem blóng me, tey gel kfihu kóm. Dalang se kóm, smafai béléu bè yóm kfihem dou dalang se nim benwuhu gónóm nô ni.”

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 26:28

Bnalà le se, mon le, “Yó nógów me ebéléem ni, abay se deng tngón me yóm eles tendo knóen béléem Dwata. Deng hendem me, hyu ke wen senfasad tekuy mung du safà. Yó nóyô me ni ke holi smafà bélê me.

Tekang Kbuten 39:2

Bè yóm kbaling Jusif hesek bè Putifar tendo eles nô béléen Dwata, yó gónón hyu uléken bè ket yóm gel nmoen. Tódô nô bè yó bè gónô yóm tau Idyip amohen.

Tekang Kbuten 39:21

Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Tekang Kbuten 39:23

Là kóen tafa nawahen du yóm hogoten ke Jusif yóm tau mentey gónô blanggù yó abay se tendo nô bè Jusif Dwata. Balù kihu nmoen, sal hyu uléken.

2 Bok Kem Tau Hol Geta 18:7

Tendo nô béléen Dwata, ne ket nmoen sal wen uléken. Natuen yóm tau hol geta bè Asirya, là móyóen mayad du yóm gel hbayaden kul.

1 Tutul Israél 22:13

Abay se ke hol loloem yó kem hlau Dwata ne yó kem hloloen yó kem tau Israél tehe hlanen bè Musis, angat wen uléken yóm kdê nmoem. Holi hbegel, ne hol hfólem nawam. Béi abay hlikò, ne béem hegdódól nawam.

2 Tutul Israél 1:1

Yóm Selumun ngà Dabid, tey mbegel kogoten du yóm benwu Israél, abay se tendo nô béléen Dwata yóm kun Dwata hol gónó mogot, ne tey kehfasangen du.

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.

Nihimaya 2:20

Okóm yó balau kul, monu, “Yóm Dwata nô bè longit fen tmóbóng kum anì wen gendeng me. Mi se yó kem kun tóbóng lówó ne nbut me ne ni bud hdà du yóm beng botu. Okóm kuy, laen dù kuy du yóm tonok bè Jirusalim ne laen se dù kuy ólól du.” Là gomongen bè nili yóm tsaptér 3. Yó tulónen yóm kmò kehdà le du yóm tey beng botu geta lelen lamang hmilol Jirusalim. Yó kmò le du, nólól le bè kdéen tau nô bè Jirusalim anì yó, tódô kdê le gotu semtóbóng mò du. Bud tulónen bè ni snéen yóm boluy yóm kdéen tau bud hemdà du ne yóm gónó le seblà fi bè yóm kmò le nmò bè yóm beng botu yó. Wen sotu tau tmóbóng mò yóm beng botu yó boluyen Baruk. Yó tulónen gbak béléen yóm tey khotuhen nawahen tmóbóng mò yóm beng. Ne bud wen se tulónen gbak bè yó kem tau gel malak bè benwu Tikwa, okóm yó tulónen gbak bélê le yóm là kóyô le tmóbóng mò yóm beng botu yó.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

1 Kurin 16:2

Tódô ket Akad ye eles hetfing du yóm kuy gbek blay, yóm ket kuy na sotu, lemwót bè yóm filak gel guta ye. Eles sentifun ye anì là tlek bud snólóku du soke kól dyó.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

1 Samwél 18:14

Bè yóm ket nmò Dabid hono hyu abay se nô béléen Dwata.

1 Samwél 18:28

Timbow dilô Sol yóm alì knô Dwata bè Dabid ne yóm tey kbong nawa Mikal du,

1 Samwél 3:19

Yóm igò Samwél lemnok, tódô seflós Dwata nô béléen ne laen dù bè yó kem gel tulónen lemwót bè Dwata ke là dohoen.