Tekang Kbuten 39:23 - Udél Dwata: Gna Kesfasad ne Lomi Kesfasad

²³ Là kóen tafa nawahen du yóm hogoten ke Jusif yóm tau mentey gónô blanggù yó abay se tendo nô bè Jusif Dwata. Balù kihu nmoen, sal hyu uléken.

Tekang Kbuten 39:23 Iomraidhean Croise

Tekang Kbuten 39:20

Tódô hekfóen Jusif, tenesen lem yóm sotu gónô blanggù gónón gel tmafak tau yóm tau hol geta bélê le. Ne bè yó gónó Jusif nô.

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

1 Samwél 2:30

Yó gónóm mon, ni se udél Dwata yóm Dwata yó kem tau Israél, monen, ‘Deng tehe fasadu kóm, laen dù sónen yóm keseblóng le tau ebéléu yó kem fes lówóhem kkólen bè yó kem angat lugodem.’ Okóm ni, là ne. Olohu madat yó kem tau madat do ne kóhu yó kem tau kembê do.