Tekang Kbuten 39:21 - Udél Dwata: Gna Kesfasad ne Lomi Kesfasad

²¹ Bede là kô tnagak Dwata ke Jusif, tendo tnóbóngen. Ne yó gónón hyu nawan ebè Jusif yóm tau mentey gónô blanggù.

Tekang Kbuten 39:21 Iomraidhean Croise

Tekang Kbuten 21:22

Bè yóm kdaw yó, lemwót Abimélék yóm tau mogot bè Girar, mógów ebè Abraham, mung du yóm kmandér bè yó kem sendaluen boluyen Fikol. Yó mon Abimélék mò ke Abraham, “Ó Abraham, tódô dilô me yóm tendo knóen béléem Dwata bè ket yó kem gel nmoem.

Tekang Kbuten 39:2

Bè yóm kbaling Jusif hesek bè Putifar tendo eles nô béléen Dwata, yó gónón hyu uléken bè ket yóm gel nmoen. Tódô nô bè yó bè gónô yóm tau Idyip amohen.

Tekang Kbuten 39:3

Tódô dilô yóm amohen yóm tendo knô Dwata bè Jusif ne yó gónón hyu uléken bè yóm ket gel nmoen bè yóm amohen.

Tekang Kbuten 39:4

Tey hyu nawa Putifar ebè Jusif, ne nmoen tóbóng lówó mò hol gfi béléen. Ne gotu hogoten du yóm kdéen tau mò nmò bè gónóen ne yóm kdê ngom nô lemen.

Tekang Kbuten 40:3

Tódô heblangguen lu bè yóm sotu gónô blanggù bè gónô yóm kfitan gel mentey du, bè yóm gónón blanggù Jusif.

Kem Lingón 105:19

Song gewà, deng dohò yóm tehe eles tulónen kul angat sut bè benwu le. Yóm eles tulónen kul yó, deng tehe eles hetngón Dwata du.

Kem Lingón 105:22

Hegetahen glalen senta yó kem dumu tau mogot kukum béléen. Wen kwalis blayen du anì gbeken hmau yó kem tuha gónón gel hmungol hlau.

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Kehewà 11:3

Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Kehewà 12:36

Lemwót bè yóm deng hefedem Dwata yó kem tau Idyip, yó gónón wen nawa le ebè yó kem tau Israél, tódô blay le kul kihu nóyô hni le bélê le. Bè nim ni, tey wen nwit kem tau Israél yóm kul kendengen yó kem tau Idyip.

Kehewà 3:21

Angat wen hefedemu yó kem tau Idyip anì wen nawa le kuy. Duhe kóm, bè yóm angat kewót yó kem dou tau, là kô le na a lemwót hkawang.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Danyél 1:9

Lemwót bè yóm któbóng Dwata ke Danyél gónó Aspinas kmodu du ne móyô tmóbóng du.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

1 Pitér 3:17

Ke kun kóyô Dwata ke glayam ye, là sideken se yó, syan ke lemwót bè yóm kehyu yóm deng nmò ye. Okóm ke glayam ye lemwót bè yóm ksidek nmò ye, tey bong sidek se yó.