Tekang Kbuten 39:20 - Udél Dwata: Gna Kesfasad ne Lomi Kesfasad

²⁰ Tódô hekfóen Jusif, tenesen lem yóm sotu gónô blanggù gónón gel tmafak tau yóm tau hol geta bélê le. Ne bè yó gónó Jusif nô.

Tekang Kbuten 39:20 Iomraidhean Croise

Tekang Kbuten 40:15

Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Isaya 53:8

Tódô kenfô le. Ne yó kukum le du, hatay. Omin le mit du ebè yóm gónó le hmatay du. Là kô hendem le du yóm katayen. Okóm bè ktahuhen, lemwót bè salà tekuy se gónón matay.

Jirimaya 37:15

Ya tey kebut le ke Jirimaya yó kem genlal efet hfes le ne bnanggù le lem gónô Junatan yóm tau fen gel smulat bélê le bè kukum. Yóm gónóen yó deng nmò le mò gónô blanggù.

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.

1 Pitér 2:19

Abay se tey któbóng Dwata kuy ke hol henbala ye yóm sidek gel nmò le bélê ye hkawang. Yó gónó ye gembek hembala du, abay se là kóen mkó bè nawa ye yóm kun kóyô Dwata.